ଦିନ ଥିଲା ଲୋକେ ପରିବାରର ଇଚ୍ଛା ଅନୁସାରେ ଜୀବନସାଥୀଙ୍କ ମୁହଁ ନ ଦେଖି ବିବାହ କରିନେଉଥିଲେ। ହେଲେ ବର୍ତ୍ତମାନ ସମୟରେ ଜୀବନସାଥୀ ବାଛିବା ପୂର୍ବରୁ ଲୋକେ ବହୁତ ଚିନ୍ତା କରୁଛନ୍ତି। ଆଜି ବି କିଛି ଲୋକ ଆରେଞ୍ଜ ମ୍ୟାରେଜ୍ରେ ବିଶ୍ୱାସ ରଖୁଥିବା ବେଳେ କିଛି ପ୍ରେମ ବିବାହ ଠିକ୍ ବୋଲି ଯୁକ୍ତି ବାଢ଼ନ୍ତି। ଏଣୁ ଜଣେ ଜୀବନରେ ପ୍ରସ୍ତାବିତ ବିବାହ କରିବ କି ପ୍ରେମ ବିବାହ କରିବ ତାହା କାହାକୁ ଜଣା ନ ଥାଏ। କିନ୍ତୁ ଜ୍ୟୋତିଷଶାସ୍ତ୍ର ଅନୁଯାୟୀ ରାଶି ଏବଂ ଜାତକ ଅନୁଯାୟୀ ଜଣେ ଲଭ୍ ନା ଆରେଞ୍ଜ ମ୍ୟାରେଜ୍ କରିବ ତାହା ଜଣାପଡ଼ିଥାଏ।
ଜ୍ୟୋତିଷଶାସ୍ତ୍ର ଅନୁଯାୟୀ ଏଭଳି ୪ ରାଶି ରହିଛି, ଯେଉଁଥିରେ ଜନ୍ମିତ ଯୁବତୀମାନେ ବିଶେଷତଃ ପ୍ରେମ ବିବାହ କରିଥାନ୍ତି। ଜାଣନ୍ତୁ:
ମେଷ ରାଶି: ଏହି ରାଶିରେ ଜନ୍ମିତ ଯୁବତୀମାନେ ବହୁତ ଭାବୁକ ହୋଇଥାନ୍ତି। ଥରେ କାହାକୁ ହୃଦୟ ଦେଲେ ସେ ଅନ୍ୟ କାହାକୁ ଜୀବନରେ ଆସିବାକୁ ଦେଇ ନ ଥାନ୍ତି। ଏହି ରାଶିର ପ୍ରାୟ ଯୁବତୀ ପ୍ରେମ ବିବାହ କରିଥାନ୍ତି। ଏମାନଙ୍କ ବିବାହ ସଫଳ ମଧ୍ୟ ହୋଇଥାଏ।
ବୃଷ ରାଶି: ଏହି ରାଶିର ଯୁବତୀମାନେ ବହୁତ ଜିଦ୍ଦି ସ୍ବଭାବର ହୋଇଥାନ୍ତି। ସେମାନେ ନିଜ ଜୀବନସାଥୀଙ୍କୁ ଡୋମିନେଣ୍ଟ କରି ରଖିଥାନ୍ତି। ନିଜର ଜିଦ୍ଦି ସ୍ବଭାବ କାରଣରୁ ଏମାନେ ପରିବାର ସହ ଲଢ଼ିଥାନ୍ତି। ଏହି ରାଶିର ପ୍ରାୟ ସମସ୍ତ ଯୁବତୀ ପ୍ରେମ ବିବାହ କରିଥାନ୍ତି।
ମିଥୁନ ରାଶି: ଏହି ରାଶିର ଯୁବତୀ ବହୁତ ସାମାଜିକ ହୋଇଥାନ୍ତି, ଏମାନଙ୍କର ବହୁତ ପ୍ରେମ ସମ୍ପର୍କ ହୋଇଥାଏ। ହେଲେ ଯେତେବେଳେ ଏମାନେ ହୃଦୟ ସହ ଯୋଡ଼ି ହୋଇଥାନ୍ତି ସେତେବେଳେ ନିଜ ସମ୍ପର୍କ ପ୍ରତି ସଚ୍ଚୋଟ ହୋଇଥାନ୍ତି। ପ୍ରାୟତଃ ଏମାନେ ପ୍ରେମ ବିବାହ କରିଥାନ୍ତି। ଏମାନେ ବିବାହ କରିବା ପରେ ସ୍ବାମୀଙ୍କ ପ୍ରତି ବହୁତ ସମର୍ପିତ ଥାନ୍ତି।
ଧନୁ ରାଶି: ଏହି ରାଶିରେ ଜନ୍ମିତ ଯୁବତୀ ନିଜ ଇଚ୍ଛାରେ ଜୀବନ ଜିଇଁବା ପସନ୍ଦ କରନ୍ତି। ନିଜ ଜୀବନର ଅଧିକାଂଶ ନିଷ୍ପତ୍ତି ଏମାନେ ନିଜେ ନେଇଥାନ୍ତି। ଏହି ରାଶିର ଯୁବତୀ ବହୁତ ବୁଦ୍ଧିମାନ ଏବଂ ଉତ୍ସାହୀ ହୋଇଥାନ୍ତି। ଏମାନେ ନିଜ ଭଳି ବ୍ୟକ୍ତିଙ୍କୁ ହିଁ ବିବାହ କରିଥାନ୍ତି।