କଲମ୍ବୋ,୩।୫: ଶ୍ରୀଲଙ୍କା ଅଲରାଉଣ୍ଡର ଥିସାରା ପେରେରା ଅନ୍ତର୍ଜାତୀୟ କ୍ରିକେଟରୁ ଅବସର ନେଇଛନ୍ତି। ୨୦୦୯ରେ ଭାରତ ବିପକ୍ଷ ଏକଦିବସୀୟ ମ୍ୟାଚ୍ରେ ପେରେରା ଶ୍ରୀଲଙ୍କା ପାଇଁ ଆନ୍ତର୍ଜାତୀୟ ସ୍ତରରେ ଡେବ୍ୟୁ କରିଥିଲେ। ଦୁଇ ବର୍ଷ ପରେ ସେ ଟେଷ୍ଟ ଖେଳିବାର ସୁଯୋଗ ପାଇଲେ। ସେ ୨୦୧୦ରେ ଜିମ୍ବାୱେ ବିପକ୍ଷରେ ଟି-୨୦ ଡେବ୍ୟୁ କରିଥିଲେ। ପେରେରା ଶ୍ରୀଲଙ୍କା ପାଇଁ ୬ଟି ଟେଷ୍ଟ, ୧୬୬ଟି ଏକଦିବସୀୟ ଏବଂ ୮୪ଟି ଟି-୨୦ ଖେଳିଥିଲେ। ସେ ଏକଦିବସୀୟରେ ୫୭୪୦ ରନ କରିଛନ୍ତି। ସେ ଅନ୍ତର୍ଜାତୀୟ କ୍ରିକେଟରେ ଗୋଟିଏ ଶତକ ଏବଂ ୧୪ଟି ଅର୍ଦ୍ଧଶତକ ହାସଲ କରିଥିଲେ।
ଚଳିତ ବର୍ଷ ମାର୍ଚ୍ଚରେ ଶ୍ରୀଲଙ୍କା ଘରୋଇ ଟୁର୍ନାମେଣ୍ଟରେ ପେରେରା ଗୋଟିଏ ଓଭରରେ ୬ଟି ଛକା ମାରିଥିଲେ। ସେ ଏହା କରିଥିବା ପ୍ରଥମ ଶ୍ରୀଲଙ୍କା ଖେଳାଳି ହୋଇଥିଲେ। ମେଜର କ୍ଲବ ଲିମିଟେଡ ଓଭର ତାଲିକା-ଏ ଟୁର୍ନାମେଣ୍ଟରେ ସେ ଏହି ସଫଳତା ହାସଲ କରିଥିଲେ। ସେ ବ୍ଲୁମଫିଲ୍ଡ କ୍ରିକେଟ କ୍ଲବ ବିପକ୍ଷ ମ୍ୟାଚରେ ଶ୍ରୀଲଙ୍କା ସେନା ଦଳର ଅଧିନାୟକ ଥିଲେ। କେବଳ ଏତିକି ନୁହେଁ, ସେ ଶ୍ରୀଲଙ୍କା ପାଇଁ ତାଲିକା ଏରେ ଦ୍ୱିତୀୟ ଦ୍ରୁତତମ ଅର୍ଦ୍ଧଶତକ ମାରିଥିବା ଖେଳାଳି ମଧ୍ୟ ହୋଇଥିଲେ। ପେରେରା ମଧ୍ୟ ପ୍ରଥମ ଖେଳାଳି ଯିଏକି ଶ୍ରୀଲଙ୍କା ବିପକ୍ଷ ଅନ୍ତର୍ଜାତୀୟ ଟି-୨୦ରେ ହ୍ୟାଟ୍ରିକ ନେଇଥିଲେ। ସେ ଭାରତ ବିପକ୍ଷରେ ଏହି ସଫଳତା ହାସଲ କରିଥିଲେ।
