ବେଙ୍ଗାଲୁରୁ,୨୯।୧୦: ଶୁକ୍ରବାର ହୃଦଘାତ୍ କାରଣରୁ ପ୍ରାଣ ହରାଇଛନ୍ତି କନ୍ନଡ ସିନେମାର ବଡ଼ ଷ୍ଟାର ପୁନୀଥ ରାଜକୁମାର। ୪୬ ବର୍ଷୀୟ ଅଭିନେତାଙ୍କ ଅନ୍ତିମ ଦର୍ଶନ ପାଇଁ ପ୍ରଶାସନ ପକ୍ଷରୁ ବେଙ୍ଗାଲୁରୁର କାନ୍ତୀରାବା ଷ୍ଟାଡିୟମରେ ବ୍ୟବସ୍ଥା କରାଯାଇଥିଲା। ଏଥି ଯୋଗୁ ଷ୍ଟାଡିୟମରେ ପ୍ରବଳ ସଂଖ୍ୟାରେ ପହଞ୍ଚିଛନ୍ତି ପୁନୀଥଙ୍କ ପ୍ରଶଂସକ। ବର୍ତ୍ତମାନ ଷ୍ଟାଡିୟମ୍ରେ ଅସମ୍ଭାଳ ଭଳି ସ୍ଥିତି ସୃଷ୍ଟି ହୋଇଛି। ରାଷ୍ଟ୍ରୀୟ ମର୍ଯ୍ୟଦା ସହ ତାଙ୍କର ଅନ୍ତିମ ସଂସ୍କାର ହେବ। ଆଉ ଏହା କେତେବେଳେ କରାଯିବ, ତାହା ତାଙ୍କ ପରିବାରର ନିଷ୍ପତ୍ତି ବୋଲି ରାଜ୍ୟ ମନ୍ତ୍ରୀ ଆର. ଅଶୋକ କହିଛନ୍ତି।
ଭାଇରାଲ ହେଉଥିବା ଭିଡିଓରେ ଷ୍ଟାଡିୟମରେ ହଜାର ହଜାର ସଂଖ୍ୟାରେ ପ୍ରଶଂସକ ଉପସ୍ଥିତି ଥିବା ଦେଖିବାକୁ ମିଳୁଛି।
‘ଆପ୍ପୁ’, ‘ବୀରା କାନାଡିଗା’ ଓ ମୌର୍ଯ୍ୟ ଭଳି ଫିଲ୍ମ ପାଇଁ ପାଓ୍ବର ଷ୍ଟାର ଭାବେ ପୁନୀଥ ଜଣାଶୁଣା। ଶୁକ୍ରବାର ଜିମ୍ରେ ରେଗୁରାଲ ଓ୍ବାର୍କ କରୁଥିବା ବେଳେ ସେ ହୃଦଘାତର ସମ୍ମୁଖୀନ ହୋଇଥିଲେ। ତା’ ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ତାଙ୍କ ମୃତ୍ୟୁ ହୋଇଛି।
