ତାଇପେଇ,୧୯।୧୧ : ରୁଷିଆର ୟୁକ୍ରେନ ଉପରେ ଆକ୍ରମଣ ପରେ ଅନ୍ୟ ଏକ ଯୁଦ୍ଧର ବିପଦ ନେଇ ଅନ୍ତର୍ଜାତୀୟସ୍ତରରେ ଚର୍ଚ୍ଚା ହେଉଛି। ତାଇୱାନ ଆଡ଼କୁ ନିଜର ଯୁଦ୍ଧ ବିମାନ ଏବଂ ଯୁଦ୍ଧ ଜାହାଜ ପଠାଇ ଚାଇନା କ୍ରମାଗତ ଭାବେ ଯୁଦ୍ଧ ଆଶଙ୍କା ସୃଷ୍ଟି କରୁଛି। ସମ୍ପ୍ରତି ଚାଇନା ୧୭ ଟି ସାମରିକ ଯୁଦ୍ଧ ବିମାନ ଏବଂ ତିନୋଟି ନୌସେନା ଯୁଦ୍ଧ ପୋତଜ ତାଇୱାନର ସୀମାରେ ପହଞ୍ଚାଇଛି।
ତାଇଓ୍ବାନର ଜାତୀୟ ପ୍ରତିରକ୍ଷା ମନ୍ତ୍ରଣାଳୟ ଚାଇନାର ୧୭ ଟି ସାମରିକ ବିମାନ ଏବଂ ତିନୋଟି ନୌସେନା ଜାହାଜ ଉପରେ ନଜର ରଖିଛି। ଏଥିରେ ଏକ ଡ୍ରୋନ ମଧ୍ୟ ଅନ୍ତର୍ଭୁକ୍ତ, ଯାହା ସୀମା ଅତିକ୍ରମ କରିଛି। ଶୁକ୍ରବାର ଏବଂ ଶନିବାର ଚାଇନାର ଯୁଦ୍ଧ ବିମାନ ତାଇୱାନର ଏୟାର ଡିଫେନ୍ସ ଆଇଡେଣ୍ଟିଫିକେଶନ ଜୋନରେ ପ୍ରବେଶ କରିଥିଲା ।
