ଜେନେଭା,୨୬।୪ : ଆଫ୍ରିକୀୟ ଦେଶ ସୁଦାନରେ ଚାଲିଥିବା ହିଂସା ମଧ୍ୟରେ ବିଶ୍ୱ ସ୍ବାସ୍ଥ୍ୟ ସଂଗଠନ(ଡବ୍ଲୁଏଚଓ) ଏକ ଭୟଙ୍କର ଚେତାବନୀ ଦେଇଛି। ଡବ୍ଲୁଏଚଓ କହିଛି, ସୁଦାନରେ ରାପିଡ ସପୋର୍ଟ ଫୋର୍ସ ରାଜଧାନୀ ଖାର୍ତୁମରେ ଥିବା ଜାତୀୟ ଜନସ୍ବାସ୍ଥ୍ୟ ଲାବୋରେଟୋରୀକୁ ଜବରଦଖଲ କରି ଜୈବିକ ବୋମା ବିକଶିତ କରିବାର ବିପଦ ସୃଷ୍ଟି କରିଛି। ଆରଏସଏଫ ସଦସ୍ୟମାନେ କର୍ମଚାରୀମାନଙ୍କୁ ଲାବୋରେଟୋରୀରେ ପ୍ରବେଶ କରିବାକୁ ଅନୁମତି ଦେଉ ନାହାଁନ୍ତି ଏବଂ ବିଦ୍ୟୁତ ମଧ୍ୟ କଟାଯାଇଛି। ଡବ୍ଲୁଏଚଓ କହିଛି, ଏହା ଯୋଗୁ ଲାବୋରେଟୋରୀରେ ଜୈବିକ ବୋମା ବିକଶିତ ହେବାର ବିପଦ ସୃଷ୍ଟି ହୋଇଛି।
ସୁଦାନରେ କିଛି ଘଣ୍ଟା ଅସ୍ତ୍ରବିରତି ଉଲ୍ଲଂଘନ ପରେ ପୁଣି ଥରେ ଭୟଙ୍କର ହିଂସା ଆରମ୍ଭ ହୋଇଛି। ଯୁଦ୍ଧ ବିମାନ ଆକାଶରେ ବୁଲୁଛି ଏବଂ ବିଶ୍ୱର ବିଭିନ୍ନ ଦେଶମାନେ ନିଜ ନିଜ ନାଗରିକଙ୍କୁ ସ୍ବଦେଶ ଫେରାଇ ଆଣିବାରେ ବ୍ୟସ୍ତ ଅଛନ୍ତି।
ସୁଦାନରେ ଡବ୍ଲୁଏଚଓର ପ୍ରତିନିଧୀ ନିମା ସୟିଦ ଏହାକୁ ଅତ୍ୟନ୍ତ ବିପଜ୍ଜନକ ବୋଲି କହିଛନ୍ତି। ଏହି ଲ୍ୟାବ ଭିତରେ ପୋଲିଓର ଆଇସୋଟୋପ ଅଛି। ଏହା ବ୍ୟତୀତ ମିଳିମିଳା ଏବଂ କଲେରାର ଆଇସୋଟୋପ ମଧ୍ୟ ଅଛି। ଏହାର ବ୍ୟବହାର କରି ଜୈବିକ ବୋମା ବିକଶିତ କରାଯିବାର ଆଶଙ୍କା ରହିଥିବା ସେ କହିଛନ୍ତି।
