ନୂଆଦିଲ୍ଲୀ,୨୯।୭ : ମଣିପୁରରେ ଚାଲିଥିବା ଜାତିଗତ ବିବାଦରେ ପୂର୍ବତନ ସେନା ମୁଖ୍ୟ ଜେନେରାଲ ଏମ.ଏମ ନରାଓ୍ବଣେ ବିଦେଶୀ ଏଜେନ୍ସିର ଭୂମିକା ନେଇ ଆଶଙ୍କା ପ୍ରକାଶ କରିଛନ୍ତି। ସେ କହିଛନ୍ତି କୌଣସି ସୀମା ରାଜ୍ୟରେ ଅସ୍ଥିରତା ପରିସ୍ଥିତି ଜାତୀୟ ସୁରକ୍ଷା ପାଇଁ ଭଲ ନୁହେଁ। ମଣିପୁରରେ ଚାଲିଥିବା ବିବାଦ ସମ୍ପର୍କରେ ପୂର୍ବତନ ସେନା ମୁଖ୍ୟ କହିଛନ୍ତି, ଆଭ୍ୟନ୍ତରୀଣ ସୁରକ୍ଷା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
ଯଦି ଆମ ପଡୋଶୀ ଦେଶରେ କିମ୍ବା ଆମ ସୀମାନ୍ତରେ ଅସ୍ଥିରତା ଥାଏ, ତେବେ ଆମର ସାମଗ୍ରିକ ଜାତୀୟ ସୁରକ୍ଷା ପାଇଁ ଅସ୍ଥିରତା ଭଲ ନୁହେଁ। ମୁଁ ନିଶ୍ଚିତ ଏହା ଯେଉଁମାନେ ଚେୟାରରେ ଅଛନ୍ତି ଏବଂ କାର୍ଯ୍ୟାନୁଷ୍ଠାନ ପାଇଁ ଦାୟୀ ସେମାନେ ଯଥାସମ୍ଭବ ଚେଷ୍ଟା କରୁଛନ୍ତି। ଆମେ ସେମାନଙ୍କ ଭୂମିକା ବିଷୟରେ ସନ୍ଦେହ କରିବା ଠାରୁ ଦୂରେଇ ରହିବା ଉଚିତ। ଏହା ସହିତ ଜଡ଼ିତ ଥିବା ବ୍ୟକ୍ତି ଭଲ ଭାବରେ ଜାଣନ୍ତି କଣ କରିବେ?
ବିଭିନ୍ନ ବିଦ୍ରୋହୀ ଗୋଷ୍ଠୀ ଚାଇନା ସହାୟତା ଗ୍ରହଣ କରୁଛନ୍ତି। ଚାଇନା ଏଭଳି ଗୋଷ୍ଠୀକୁ ବର୍ଷ ବର୍ଷ ଧରି ସାହାଯ୍ୟ କରିଆସୁଛି। ସେମାନେ ଏହା ଆଗାମୀ ଦିନରେ ମଧ୍ୟ ଜାରି ରଖି ବୋଲି ମୋର ଆଶଙ୍କା।
ଯେତେବେଳେ ଆମେ ଜାତୀୟ ସୁରକ୍ଷା ବିଷୟରେ କଥା ହେବା, ସେତେବେଳେ ଆମେ ଆଭ୍ୟନ୍ତରୀଣ ସୁରକ୍ଷା ଦିଗ ଉପରେ ଧ୍ୟାନ ଦେବା ଉଚିତ। ଯଦି ଆମେ ବାହ୍ୟ ସୁରକ୍ଷା ବିଷୟରେ କହିବା, ତେବେ ଏହା ନିଶ୍ଚିତ ଭାବରେ ଏକ ଗୁରୁତ୍ୱପୂର୍ଣ୍ଣ ବିଷୟ ଅଟେ। ସେ କହିଛନ୍ତି, ଦେଶର ସୁରକ୍ଷା ହେଉଛି ଦେଶର ପ୍ରତ୍ୟେକ ନାଗରିକଙ୍କ ଦାୟିତ୍ୱ। ପ୍ରତ୍ୟେକଙ୍କୁ ନିଜ ଭୂମିକା ଗ୍ରହଣ କରିବାକୁ ପଡିବ। ଜାତୀୟ ସୁରକ୍ଷା ବାହ୍ୟ ସୁରକ୍ଷା ଠାରୁ ଅଧିକ, ଏହାର ଅନେକ ପ୍ରଭାବ ଅଛି। ଜାତୀୟ ସୁରକ୍ଷା ବ୍ୟତୀତ ଦେଶର ଖାଦ୍ୟ, ଶକ୍ତି ଏବଂ ସ୍ବାସ୍ଥ୍ୟ ସୁରକ୍ଷା ମଧ୍ୟ ସର୍ବାଧିକ। ସ୍ଯଦି ଆପଣଙ୍କର ସୁସ୍ଥ ଜନସଂଖ୍ୟା ନାହିଁ, ସଶସ୍ତ୍ର ବାହିନୀର ମାନବ ଶକ୍ତି କେଉଁଠୁ ଆସିବ? ତେଣୁ ଜାତୀୟ ସୁରକ୍ଷାକୁ ବ୍ୟାପକ ପ୍ରସଙ୍ଗରେ ଦେଖିବାକୁ ଏବଂ ବୁଝିବାକୁ ପଡିବ।