ଚଣ୍ଡିଗଡ଼, ୨୪।୮ : ପଞ୍ଜାବୀ ଗାୟକ ସିଦ୍ଧୁ ମୋସେୱାଲା ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଗ୍ୟାଙ୍ଗଷ୍ଟର ଲରେନ୍ସ ବିଶ୍ନୋଇ ଏବଂ ଜଗୁ ଭଗବାନପୁରିଆ ସେମାନଙ୍କ କୋର୍ଟରେ ହାଜର ହେବା ସମୟରେ ଆକ୍ରମଣ ହେବାର ସମ୍ଭାବନା ରହିଛି। ଏ ସମ୍ପର୍କରେ କେନ୍ଦ୍ରୀୟ ସ୍ବରାଷ୍ଟ୍ର ମନ୍ତ୍ରଣାଳୟ ପଞ୍ଜାବର ଡିଜିପି ଗୌରବ ଯାଦବଙ୍କୁ ଚିଠି ଲେଖି ସତର୍କ କରାଇଛନ୍ତି। ମନ୍ତ୍ରଣାଳୟ ଚିଠିରେ କହିଛି ଯେ ଆମେ ନିର୍ଭରଯୋଗ୍ୟ ସୂତ୍ରରୁ ସୂଚନା ପାଇଛୁ ଯେ ଦଭିନ୍ଦର ବାମ୍ବିହା ଗ୍ୟାଙ୍ଗ୍ ସହ ଜଡିତ ଗ୍ୟାଙ୍ଗଷ୍ଟରମାନେ ଲରେନ୍ସ ଏବଂ ଜଗୁଙ୍କୁ କୋର୍ଟର ଶୁଣାଣି ସମୟରେ ଆକ୍ରମଣ କରିପାରନ୍ତି।
ଏହାସହ ଏଥିରେ କୁହାଯାଇଛି ଯେ ଆକ୍ରମଣକାରୀମାନେ ଜଣେ ଆଇନଜୀବୀ କିମ୍ବା କୋର୍ଟ କର୍ମଚାରୀଙ୍କ ବେଶଭୂଷାରେ ଏହି ଆକ୍ରମଣ କରିପାରନ୍ତି। ପୋଲିସ ସୂତ୍ର ଅନୁଯାୟୀ, ମନ୍ତ୍ରଣାଳୟର ଇନପୁଟରେ ଏହା ମଧ୍ୟ କୁହାଯାଇଛି ଯେ ଭଟିଣ୍ଡା ଜେଲରେ ସରାଜ ସିଂ ସିନ୍ଧୁଙ୍କ ଉପରେ ଆକ୍ରମଣ ପରେ ବମ୍ବିହା ଗ୍ୟାଙ୍ଗ ବର୍ତ୍ତମାନ ଲରେନ୍ସ ଏବଂ ଜଗୁଙ୍କ ଉପରେ ଆକ୍ରମଣ କରିବାକୁ ପ୍ରସ୍ତୁତ ହେଉଛି।
ସିଦ୍ଧୁ ମୁସେୱାଲାଙ୍କ ହତ୍ୟାର ପ୍ରତିଶୋଧ ନେବା ପାଇଁ ବମ୍ବିହା ଗ୍ୟାଙ୍ଗ ଏଭଳି ଆକ୍ରମଣ କରିପାରନ୍ତି ବୋଲି ସ୍ବରାଷ୍ଟ୍ର ମନ୍ତ୍ରଣାଳୟ ଚିଠିରେ ଉଲ୍ଲେଖ କରାଯାଇଛି।