ବେଙ୍ଗାଲୁରୁ, ୨୫।୮ : କର୍ନାଟକର ଭାଜପା ବିଧାୟକ ତଥା ରାଜ୍ୟ ସରକାରଙ୍କ ମନ୍ତ୍ରୀ କେ.ଏସ. ଇଶ୍ୱରପ୍ପା ଟିପୁ ସୁଲତାନଙ୍କୁ ମୁସଲମାନ ଗୁଣ୍ଡା ବୋଲି କହିଛନ୍ତି। ଏନେଇ ସେ ଧମକପୂର୍ଣ୍ଣ ଚିଠି ପାଇଛନ୍ତି। ସେ ପୋଲିସ ନିକଟରେ ଅଭିଯୋଗ କରିଛନ୍ତି। ଚିଠିରେ ଲେଖାଯାଇଛି ଯେ ଯଦି ସେ ପୁଣି ଥରେ ଟିପୁ ସୁଲତାନଙ୍କୁ ମୁସଲମାନ ଗୁଣ୍ଡା ବୋଲି କୁହନ୍ତି, ତେବେ ତାଙ୍କର ଜିଭ କଟାଯିବ। କୁହାଯାଉଛି ଯେ ଏହି ଚିଠି ତାଙ୍କ ବାସଭବନ ଠିକଣାରେ ଆସିଛି।
ସ୍ବାଧୀନତା ଦିବସ ଅବସରରେ କର୍ନାଟକରେ ଟିପୁ ସୁଲତାନ ଏବଂ ସାବରକରଙ୍କ ଉପରେ ବ୍ୟାନର ଲଗାଯାଇ ଏକ ବିବାଦ ସୃଷ୍ଟି ହୋଇଛି। ଏଥିସହିତ ଭାଜପା ବିଧାୟକ ଇଶ୍ୱରପ୍ପା କହିଛନ୍ତି ଯେ ସେ ସମସ୍ତ ମୁସଲମାନଙ୍କୁ ଗୁଣ୍ଡା ବୋଲି କହି ନାହାଁନ୍ତି। ସେ ଏହା ମଧ୍ୟ କହିଛନ୍ତି ଯେ ସେ ଏପରି ଧମକକୁ ଭୟ କରନ୍ତି ନାହିଁ।
ଇଶ୍ୱରପ୍ପାଙ୍କ ଏଭଳି ମନ୍ତବ୍ୟ ନେଇ ରାଜ୍ୟ ରାଜନୀତିରେ ଉତ୍ତେଜନା ପ୍ରକାଶ ପାଇଛି।
