ଓ୍ବାଶିଂଟନ,୧୬।୨ : ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କର ସମସ୍ୟା ବଢ଼ିବାରେ ଲାଗିଛି। ଗୁପ୍ତ ଡକ୍ୟୁମେଣ୍ଟ ସନ୍ଧାନରେ ଆମେରିକାର ଗୁପ୍ତଚର ଏଜେନ୍ସି ଏଫବିଆଇ ବିଭିନ୍ନ ସ୍ଥାନରେ କ୍ରମାଗତ ଭାବରେ ସର୍ଚ୍ଚ କରୁଛି। ତଥାପି, ଏପର୍ଯ୍ୟନ୍ତ କୌଣସି ସଫଳତା ମିଳିନାହିଁ। ସଦ୍ୟତମ ରିପୋର୍ଟ ଅନୁଯାୟୀ, ଏଫବିଆଇ ଡେଲାୱେର୍ ବିଶ୍ୱବିଦ୍ୟାଳୟରେ ପହଞ୍ଚି ଦୁଇଟି ସର୍ଚ୍ଚ କରିଛି। ସନ୍ଧାନରେ କ’ଣ ସବୁ ମିଳିଛି ଏହାର ସୂଚନା ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ।
ଚଳିତ ମାସ ଆରମ୍ଭରେ ଆମେରିକାର ନ୍ୟାୟ ବିଭାଗ ଆମେରିକାର ରାଷ୍ଟ୍ରପତି ବାଇଡେନଙ୍କ ଡେଲାୱେରରେ ଥିବା ଘର ଏବଂ ୱାଶିଂଟନରେ ଥିବା ତାଙ୍କ କାର୍ଯ୍ୟାଳୟ ଉପରେ ଚଢ଼ାଉ କରିଥିଲା। ଉପରାଷ୍ଟ୍ରପତି ଥିବାବେଳେ ବାଇଡେନ ତାଙ୍କ ବ୍ୟକ୍ତିଗତ ଘର ଏବଂ କାର୍ଯ୍ୟାଳୟରେ ଗୁପ୍ତ ଫାଇଲ ଲୁଚାଇଥିବା ଅଭିଯୋଗ ହୋଇଛି।
ନଭେମ୍ବର ୨ରେ ଡେଲାୱେରରେ ଆମେରିକାର ରାଷ୍ଟ୍ରପତି ବାଇଡେନଙ୍କ ଘର ଏବଂ ୱାଶିଂଟନରେ ଥିବା ତାଙ୍କ କାର୍ଯ୍ୟାଳୟକୁ ଆମେରିକାର ନ୍ୟାୟ ବିଭାଗ ଚଢ଼ାଉ ସମୟରେ ତାଙ୍କ ଘର ଏବଂ ଅଫିସରୁ ଆଠ ବର୍ଷର ପୁରୁଣା ଗୁପ୍ତଚର ଫାଇଲର ୨୦ ସେଟ ମିଳିଥିଲା । ଏବେ ପୁଣି ୨୦୨୩ ଜାନୁଆରୀ ୨୦ ରେ ନ୍ୟାୟ ବିଭାଗ ଡେଲାୱେରରେ ବିଡେନଙ୍କ ଘରେ ଚଢ଼ାଉ କରିଥିଲା। ୧୩ ଘଣ୍ଟା ଧରି ଚାଲିଥିବା ଏହି ଚଢ଼ାଉରେ ଆଉ ୬ଟି ଗୁପ୍ତ ଫାଇଲ ମିଳିଥିଲା। ଖବର ଅନୁଯାୟୀ, ବାଇଡେନଙ୍କ ଘରେ ଖୋଜାଖୋଜି କରାଯାଉଥିବା ବେଳେ ସେ କିମ୍ବା ତାଙ୍କ ସ୍ତ୍ରୀ ଘରେ ନ ଥିଲେ।
