ଭୋପାଳ/ଜୟପୁର,୨୮ ।୧: ମଧ୍ୟପ୍ରଦେଶର ମୋରେନା ଜିଲାରେ ଶନିବାର ସକାଳେ ସୁଖୋଇ-୩୦ ଓ ମିରାଜ ୨୦୦୦ ବିମାନ ଦୁର୍ଘଟଣାଗ୍ରସ୍ତ ହୋଇଛି । ପ୍ରତିରକ୍ଷା ସୂତ୍ରରୁ ମିଳିଥିବା ସୂଚନା ଅନୁଯାୟୀ, ସର୍ଚ୍ଚ ଓ ଉଦ୍ଧାର କାର୍ଯ୍ୟ ରହିଛି । ଅନ୍ୟପଟେ ରାଜସ୍ଥାନର ଭରତପୁର ସହରରେ ଏକ ଚାଟାର୍ଡ ବିମାନ ଦୁର୍ଘଟଣାଗ୍ରସ୍ତ ହୋଇଥିବ ସୂଚନା ମିଳିଛି । ସୂଚନା ମିଳିବା ପରେ ପୋଲିସ ଓ ପ୍ରଶାସନର ଟିମ ଘଟଣାସ୍ଥଳରେ ପହଞ୍ଚିଛନ୍ତି । ଜିଲା କଲେକ୍ଟର ଆଲୋକ ରଞ୍ଜନ ନିଜେ ଘଟଣାସ୍ଥଳରେ ପହଞ୍ଚିଛନ୍ତି ।
ପ୍ରତିରକ୍ଷା ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଦୁର୍ଘଟଣା ସମୟରେ ସୁଖୋଇ-୩୦ରେ ଦୁଇଜଣ ପାଇଲଟ ଥିଲେ ଓ ମିରାଜ ୨୦୦୦ରେ ଜଣେ ପାଇଲଟ ଥିଲେ । ଏହି ଦୁର୍ଘଟଣା ଦୁଇଟି ଯାକ ବିମାନ ମଧ୍ୟରେ ଆକାଶମାର୍ଗରେ ହୋଇଛି କି ନା ତାହା ଜଣାପଡିନାହିଁ । ଏ ସମ୍ପର୍କରେ ଜାଣିବା ପାଇଁ ଇଣ୍ଡିଆନ ଏୟାର ଫୋର୍ସ କୋର୍ଟ ଅଫ ଇନକ୍ୱାରୀ ଆରମ୍ଭ କରାଯାଇଛି । ମିଳିଥିବା ପ୍ରାଥମିକ ସୂଚନା ଅନୁଯାୟୀ, ପାଇଲଟ ୨ ଜଣ ସୁରକ୍ଷିତ ରହିଛନ୍ତି । ଆଉ ଏକ ଆଇଏଏଫ୍ ହେଲିକପ୍ଟର ତୃତୀୟ ପାଇଲଟଙ୍କ ପାଖରେ ପହଞ୍ଚିବାକୁ ଚେଷ୍ଟା କରୁଛି । ତେବେ ପାଇଲଟ କୌଶଳ କ୍ରମେ ଜଙ୍ଗଲରେ ବିମାନଙ୍କୁ କ୍ରାସ କରାଇଛନ୍ତି ।
#WATCH | Wreckage seen. A Sukhoi-30 and Mirage 2000 aircraft crashed near Morena, Madhya Pradesh. Search and rescue operations launched. The two aircraft had taken off from the Gwalior air base where an exercise was going on. pic.twitter.com/xqCJ2autOe
— ANI (@ANI) January 28, 2023
