କୋଲକାତା,୨୧।୧୧: ପଶ୍ଚିମବଙ୍ଗର ଏକ ସ୍କୁଲରେ ୩ଟି ଅଫୁଟା ବୋମା ଜବତ ହୋଇଛି। ଏହି ଖବର ପ୍ରଚାରିତ ହେବା ପରେ ସ୍ଥାନୀୟ ଅଞ୍ଚଳରେ ଆତଙ୍କ ସୃଷ୍ଟି ହୋଇଛି। ସୂଚନାଯୋଗ୍ୟ, ସୋମବାର ହୁଗଳି ଜିଲାର ଚିନସୁରାହ ସ୍ଥିତ ନାଲଡାଙ୍ଗା ନାରାୟଣପୁର ପ୍ରାଥମିକ ବିଦ୍ୟାଳୟ ପରିସରରେ ୩ଟି ଦେଶୀ ବୋମା ଥିବା ନେଇ ଜଣେ ବ୍ୟକ୍ତି ଦେଖିବାକୁ ପାଇଥିଲେ। ଏହାପରେ ସେ ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ବୋମାକୁ ଜବତ କରିବା ସହ ଛାନ୍ଭିନ୍ ଆରମ୍ଭ କରିଛି। ବିଦ୍ୟାଳୟରେ ବୋମା କେଉଁଠୁ ଆସିଲା ସେନେଇ ସ୍ଥାନୀୟ ଲୋକଙ୍କୁ ପଚରାଉଚରା କରିବା ସହ ଖୋଳତାଡ଼ ଜାରି ରଖିଛି।