କେନ୍ଦୁଝର,୨୦ା୩(ସ୍ବ.ପ୍ର.): କେନ୍ଦୁଝର ଜିଲା ବାମେବାରୀ ଥାନା କନକନା ଗାଁରେ ରବିବାର ଏକ ଅଭାବନୀୟ ଘଟଣା ଘଟିଛି। କନକନା ଗାଁ ରାସ୍ତା କାମ ଚାଲୁଥିବା ବେଳେ ପିଚୁ କଡ଼େଇରେ ପଡ଼ିଯାଇଥିଲେ ୩ ପିଲା । ଗୁରୁତର ଅବସ୍ଥାରେ ଗ୍ରାମବାସୀ ପିଲାମାନଙ୍କୁ ଉଦ୍ଧାର କରିଛନ୍ତି।
ସୂଚନାଯୋଗ୍ୟ, କନକନା ଗାଁ ରାସ୍ତା କାମ ଚାଲୁଥିବା ବେଳେ ହୋଲି ପାଇଁ ଗତକାଲି ରାସ୍ତା କାମ ବନ୍ଦ ଥିଲା। ଆଜି ସକାଳୁ ପିଲା ଖେଳୁଥିବା ବେଳେ ରାସ୍ତାକଡ଼ରେ ଥିବା ପିଚୁ କଡ଼େଇରେ ପଡ଼ି ଯାଇଥିଲେ। ପିଲାଙ୍କୁ ଉଦ୍ଧାର କରି ଦେହରୁ ପିଚୁ ଛଡ଼ାଇବାକୁ ଲୋକେ ଚେଷ୍ଟା କରୁଛନ୍ତି । ସୌଭାଗ୍ୟବଶତଃ ରାସ୍ତା କାମ ବନ୍ଦଥିବାରୁ ପିଚୁ କଡ଼େଇ ଗରମ ନ ଥିଲା। ତେଣୁ ବିଶେଷ କ୍ଷତି ହୋଇନାହିଁ।