ଜଙ୍ଗଲର ଦୁନିଆ ମଧ୍ୟ ବଡ଼ ବିଚିତ୍ର। ବେଳେବେଳେ ଏପରି ଦୃଶ୍ୟ ଦେଖିବାକୁ ମିଳେ, ଯାହା ଆଶ୍ଚର୍ଯ୍ୟ କରେ। ସେଥିରୁ କିଛି ଉପରେ ବିଶ୍ୱାସ କରିବା ମଧ୍ୟ କଷ୍ଟକର ହୋଇପଡେ। ବନ କର୍ମଚାରୀ, ବନ ସେବା ଅଧିକାରୀ କିମ୍ବା ବନ୍ୟଜନ୍ତୁ ପ୍ରେମୀମାନେ ଲୋକମାନଙ୍କୁ ଏହି ଦୁନିଆ ବିଷୟରେ ପରିଚିତ କରାଇ ଥାନ୍ତି। ଏହି କ୍ରମରେ ଏକ ଫଟୋ ଭାଇରାଲ ହେଉଛି। ଯାହାକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଉଛନ୍ତି। ଆପଣ ହୁଏତ ପୂର୍ବରୁ ଏପରି ଦୃଶ୍ୟ ଦେଖି ନ ଥିବେ।
ଫଟୋକୁ ଭାରତୀୟ ବନ ସେବା ଅଧିକାରୀ ସୁଶାନ୍ତ ନନ୍ଦ ଶେୟାର କରିଛନ୍ତି। କ୍ୟାପ୍ଶନ୍ରେ ସେ ଲେଖିଛନ୍ତି, ‘ଯେତେବେଳେ ତନୋଟି କଳା ନାଗ ଆପଣଙ୍କୁ ଏକ ସମୟରେ ଆଶୀର୍ବାଦ ଦିଅନ୍ତି’।
Blessings…
When three cobras bless you at the same time.
🎬:Rajendra Semalkar. pic.twitter.com/EZCQTumTwT— Susanta Nanda IFS (@susantananda3) November 16, 2021
ଛବିରେ ଆପଣ ଦେଖିପାରିବେ କିପରି ତିନୋଟି କୋବ୍ରା ଜଙ୍ଗଲରେ ଏକାଠି ଫଣା ଟେକି ବସିଛନ୍ତି। ଚିତ୍ର ମହାରାଷ୍ଟ୍ରର ମେଲଘାଟରେ ଅବସ୍ଥିତ ହରିସାଲ ଜଙ୍ଗଲର। ଏହି ଚିତ୍ରକୁ ରାଜେନ୍ଦ୍ର ସେମାଲକର ତାଙ୍କ ଫେସବୁକ ପେଜ ‘ଇଣ୍ଡିଆନ ୱାଇଲ୍ଡ ଲାଇଫ’ରେ ୧୬ ନଭେମ୍ବରରେ ଶେୟାର କରିଥିଲେ। ଏହି ଚିତ୍ର ଦେଖିବା ପରେ କିଛି ବିଶେଷଜ୍ଞ କହିଛନ୍ତି ଯେ କଳା ନାଗଙ୍କୁ ଏପରି ଏକାଠି ଦେଖିବା ବହୁତ କ୍ୱଚିତ। ତେବେ ଏବେ ଏହି ଫଟୋଟି ଭାଇରାଲ ହେଉଥିବା ବେଳେ ଲୋକମାନେ ବିଭିନ୍ନ ପ୍ରତିକ୍ରିୟା ରଖୁଛନ୍ତି।
