ଚନ୍ଦ୍ରପୁର,୨୦ା୬(ଡି.ଏନ୍.ଏ.): ରାୟଗଡ଼ା ଜିଲା ଚନ୍ଦ୍ରପୁର ବ୍ଲକ ବୁଡ଼ିବାଲି ପଞ୍ଚାୟତ ପୁକେରା ଗ୍ରାମରେ ସୋମବାର ବଜ୍ରପାତରେ ୩ ଗୋରୁଙ୍କ ମୃତ୍ୟୁ ଘଟିଛି। ଗାଁର ପେଦାର ଗୁଲୁଡୁକା, ସୁନାଧର ଗୁଲୁଡୁକା, ରମେଶ ଗୁଲୁଡୁକାଙ୍କ ଗୋରୁ ନିକଟସ୍ଥ ଜଙ୍ଗଲକୁ ଚରିବାକୁ ଯାଇଥିବାବେଳେ ବଜ୍ରପାତରେ ମୃତ୍ୟୁ ଘଟିଥିବା ବୁଡ଼ିବାଲି ସରପଞ୍ଚ ଭୀମ ଗଗେରଙ୍ଗା ସୂଚନା ଦେଇଛନ୍ତି। ଏ ନେଇ ସ୍ଥାନୀୟ ଆର୍ଆଇଙ୍କୁ ସୂଚନା ଦିଆଯାଇଥିବା ସେ କହିଛନ୍ତି। ସେହିପରି ରିପୋର୍ଟ ତହସିଲଦାରଙ୍କୁ ପ୍ରଦାନ କରାଯିବ ବୋଲି ଆର୍ଆଇ ବାପୁନ୍ ବେହେରା କହିଛନ୍ତି।