ବ୍ରିଟେନର ଜଣେ ମହିଳା ବିବାହର ଠିକ୍ ୩ ଦିନ ପୂର୍ବରୁ ମା’ ହେବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଅନ୍ୟପକ୍ଷରେ ମହିଳା ଜଣଙ୍କ ଏକ ଅଜବ ଉତ୍ତର ଦେଇଛନ୍ତି।
୪୦ ବର୍ଷୀୟା ଲିସା କହିଥିଲେ, ମୁଁ ମା ହେବା ମୋର ସ୍ବପ୍ନ ଥିଲା। ମୋ ବୟସ ମଧ୍ୟ ବଢ଼ି ଯାଇଥିଲା। ମାତ୍ର ହଠାତ୍ ପ୍ରସବ ପୀଡ଼ା ହେବାରୁ ହସ୍ପିଟାଲ ନିଆଯାଇଥିଲା। ଯେଉଁଠି ମୁଁ ଏକ ପୁତ୍ର ସନ୍ତାନ ଜନ୍ମ ଦେଇଛି। ମାତ୍ର ମୁଁ କେମିତି ଗର୍ଭବତୀ ହେଲି ତାହା ଜାଣିନାହିଁ।
ଲିସାଙ୍କ ଏହି କାହାଣୀ ୟୁଟ୍ୟୁବ୍ରେ ଶେୟାର କରାଯାଇଛି। ଯେଉଁଥିରେ ସେ ଏହି ଘଟଣା ସମ୍ପର୍କରେ ବର୍ଣ୍ଣନା କରିଛନ୍ତି। ସେ ଭିଡିଓରେ କହିଛନ୍ତି, ମୁଁ ଗର୍ଭଧାରଣ କରିବାର ସାମାନ୍ୟ ଲକ୍ଷଣ ନ ଥିଲା। ଓଜନ ବଢ଼ିବା ବଦଳରେ କମି ଯାଇଥିଲା। ସେ କହିଛନ୍ତି, ୨ ମାସ ଋତୁସ୍ରାବ ନ ହେବାରୁ ମୁଁ ଗର୍ଭ ପରୀକ୍ଷା କରାଇଥିଲି। ସେଥିରେ ମଧ୍ୟ ନେଗେଟିଭ୍ ଆସିଥିଲା। ତେଣୁ ନିଶ୍ଚିତ ଥିଲି ଯେ, ମୁଁ ଗର୍ଭବତୀ ହେବାର କୌଣସି କାରଣ ନାହିଁ। ଏହାର ଠିକ୍ ୪ ମାସ ପରେ ସେ ପୁଣି ଗର୍ଭ ପରୀକ୍ଷା କରାଇଥିଲେ। ଏଥର ମଧ୍ୟ କୌଣସି ସଠିକ୍ ପ୍ରମାଣ ଆସିଲା ନାହିଁ। ଲିସା କହିଛନ୍ତି, ତୃତୀୟ ଥର ପାଇଁ ସେ ପୁଣି ଥରେ ଗର୍ଭ ପରୀକ୍ଷା କରାଇଥିଲେ। ପୁଣି ବି ରିପୋର୍ଟ ନେଗେଟିଭ୍ ଆସିଥିଲା। ଲିସା କହିଛନ୍ତି, ମୋ ପ୍ରେମିକ ଜିସନଙ୍କୁ ବିବାହ କରିବାର ଠିକ୍ ତିନି ଦିନ ପୂର୍ବରୁ ମୋ ସ୍ବାସ୍ଥ୍ୟାବସ୍ଥା ବିଗିଡ଼ି ଯାଇଥିଲା। ଏହା ପରେ ମୋତେ ଡାକ୍ତରଖାନା ନିଆଯାଇଥିଲା। ସେଠାରେ ଡାକ୍ତର ପରୀକ୍ଷା କରି କହିଥିଲେ ଗର୍ଭରେ ୨୮ ରୁ ୩୦ ସପ୍ତାହର ପିଲା ଅଛି। ଲିସା କହିଛନ୍ତି, ମୋର ପ୍ରବଳ ଋତୁସ୍ରାବ ହେବାରୁ ଡାକ୍ତରମାନେ ବାଧ୍ୟ ହୋଇ ଅପରେଶନ କରି ପିଲାଟିକୁ ବାହାର କରିଥିଲେ। ପିଲାଟି ଠିକ୍ରେ ବିକଶିତ ହୋଇପାରିନାହିଁ। ତେଣୁ ତାକୁ ଡାକ୍ତରଙ୍କ ତତ୍ତ୍ୱାବଧାନରେ ରଖାଯାଇ ଚିକିତ୍ସା କରାଯାଉଛି।