ବଅଁରପାଳ,୧୨ା୯(ଡି.ଏନ୍.ଏ.): ଆଲୁମିନିୟମ ସଂଘ, ନେପୁ ଏବଂ ନେସ୍ ପକ୍ଷରୁ ସୋମବାର ସକାଳ ୭ରୁ ନାଲ୍କୋ ପ୍ରଶାସନ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦିଆଯାଇଛି। ୩ଟି ପ୍ରମୁଖ ଶ୍ରମିକ ସଂଗଠନ କର୍ତ୍ତୃପକ୍ଷଙ୍କ ସହ ଉପସ୍ଥିତ ରହି ଇନ୍ସେଟିଭ୍, ପାରାମିଟର ସମ୍ପର୍କରେ ପୂର୍ବରୁ ଆଲୋଚନା କରିଥିଲେ। ତେବେ କର୍ତ୍ତୃପକ୍ଷ ଚୁକ୍ତିନାମାକୁ ବିଭିନ୍ନ ଆଳ ଦେଖାଇ ବିଳମ୍ବ କରୁଛନ୍ତି। ଯଦ୍ଦ୍ବାରା ୨୦୧୭ରୁୁ ୨୧ ପାର୍ ହୋଇଥିବା ବେଳେ ଶ୍ରମିକମାନଙ୍କର ବକେୟା ପ୍ରାପ୍ୟ ମିଳିନାହିଁ। ଦଶହରା ପାଖେଇ ଆସୁଥିବା ବେଳେ ବୋନସ୍ ବାବଦରେ କୌଣସି ଆଗ୍ରହ ପ୍ରକାଶ କରୁନାହାନ୍ତି କର୍ତ୍ତୃପକ୍ଷ। ଦାବି ପୂରଣ ନ ହେଲେ ଖୁବ୍ଶୀଘ୍ର ଉପରୋକ୍ତ ୩ ଶ୍ରମିକ ସଂଗଠନ ପକ୍ଷରୁ ଧାରଣା ଦିଆଯିବ ବୋଲି ଚେତାବନୀ ଦିଆଯାଇଛି। ଏହି ଧାରଣାରେ ନେପୁର କାର୍ଯ୍ୟକାରୀ ସଭାପତି ମାଙ୍ଗିଲାଲ ସାମଲ, ସାଧାରଣ ସମ୍ପାଦକ ବୈରାଗୀ ସେଠ୍, ଏଏମ୍ଏସ୍ର ସଭପତି ମୁନା ସାମଲ, ସାଧାରଣ ସମ୍ପାଦକ ବିନୋଦ ସାମଲ ଓ ନେସ୍ର କାର୍ଯ୍ୟକାରୀ ସଭାପତି ମଳୟ ସ୍ବାଇଁ, ସଧାରଣ ସମ୍ପାଦକ ନିର୍ମଳ ସାମଲ, ବିଜନ ଦଳବେହେରା, ମନୋଜ ସ୍ବାଇଁ, ବସନ୍ତ ନାୟକ, ସଚ୍ଚିଦାନନ୍ଦ ଗଡ଼ନାୟକ, ଗୋପାଳକୃଷ୍ଣ ମଲ୍ଲିକ, ଦୀନବନ୍ଧୁ ଭୁତିଆ, ରଞ୍ଜିତ ସାହାଜ, ସଂଜୟ ଦେହୁରୀ, ଜଗନ୍ନାଥ ସେଠୀ, ସ୍ବରୂପ ଗଡ଼ନାୟକ, ଦୀପକ ସାମନ୍ତସିଂ, ସତ୍ୟଜିତ୍ ବିଶ୍ୱାଳ, ପ୍ରଶାନ୍ତ ସାହୁ ପ୍ରମୁଖ ଉପସ୍ଥିତ ଥିଲେ।