ରାଞ୍ଚି,୨୮ ।୮: ଝାଡ଼ଖଣ୍ଡରେ ସ୍ୱାଇନ ଫ୍ଲୁ ଏଣ୍ଟ୍ରି କରିଛି । କୁହାଯାଉଛି କି ରାଜ୍ୟରେ ୪ ଜଣଙ୍କ ରିପୋର୍ଟ ପଜିଟିଭ ଆସିଛି । ବୋକାରୋ, ରାଞ୍ଚି ଓ ଗିରିହିଡ ଜିଲାରେ ସ୍ୱାଇନ ଫ୍ଲୁ ମାମଲା ସାମ୍ନାକୁ ଆସିଛି । ହାଇ ଆଲର୍ଟରେ ରହିଛି ସ୍ୱାସ୍ଥ୍ର୍ୟ ବିଭାଗ । ସମସ୍ତ ପ୍ରକାର ସତର୍କତା ଅବଲମ୍ବନ କରାଯାଇଛି । ରାଷ୍ଟ୍ରୀୟ ସ୍ୱାସ୍ଥ୍ୟ ମିଶନ(ଏନଏଚ୍ଏମ)ର ଏମଡି ଡା. ଭୁବନେଶ ପ୍ରତାପ ସିଂହ କହିଛନ୍ତି ସ୍ଥିତି ନିୟନ୍ତ୍ରଣରେ ରହିଛି । ସମସ୍ତ ଜରୁରୀ ବ୍ୟବସ୍ଥା କରାଯାଇଛି ।
ସୂଚନାଯୋଗ୍ୟ, ସଂକ୍ରମିତଙ୍କ ମଧ୍ୟରେ ୨ ମହିଳା ଓ ଜଣେ ପୁରୁଷ ରହିଛନ୍ତି । ରୋଗୀଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି । ସଂକ୍ରମିତ ମହିଳା ହେଲେ ଦିପଟୋଲି ଓ ପଶ୍ଚିମବଙ୍ଗ ପୁରୁଲିଆ ଜିଲା ବାସିନ୍ଦା । ତୃତୀୟ ସଂକ୍ରମିତ ବୟସ୍କ ବ୍ୟକ୍ତି ଜଣଙ୍କ ଧନବାଦର ବାସିନ୍ଦା ବୋଲି ଜଣାପଡିଛି । ଚତୁର୍ଥ ସଂକ୍ରମିତଙ୍କ ସମ୍ପର୍କରେ କୌଣସି ସୂଚନା ଜଣାପଡି ନାହିଁ ।
