ନୂଆଦିଲ୍ଲୀ, ୧୬।୮: ରାଷ୍ଟ୍ରପତି ଭବନରେ ଏକ ଐତିହାସିକ ଘଟଣା ଘଟିଛି। ରାଷ୍ଟ୍ରପତି ଭବନରେ ପ୍ରଥମ ଥର ପାଇଁ ୩ ଜଣ ପୋଲିସ କୁଣିଆ ହୋଇଛନ୍ତି। ଉଲ୍ଲେଖନୀୟ କାର୍ଯ୍ୟ ଲାଗି ସେମାନଙ୍କୁ ରାଷ୍ଟ୍ରପତି ଭବନରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ପକ୍ଷରୁ ଶନିବାର ଆୟୋଜିତ ହୋଇଥିବା ‘ଆଟ୍ ହୋମ୍ ରିସେପଶନ୍’ରେ ଯୋଗଦେବା ପାଇଁ ନିୟନ୍ତ୍ରିତ କରାଯାଇଥିଲା। ସେମାନେ ହେଉଛନ୍ତି ସବ୍ ଇନସ୍ପେକ୍ଟର ସୁନୀତା ମାନ୍, ହେଡ୍ କନଷ୍ଟେବଳ ମନିଶ୍ କୁମାର ଏବଂ ହେଡ୍ କନଷ୍ଟେବଳ ଜିତେନ୍ଦ୍ର। ସୁନୀତା ମାସିକ ଋତୁସ୍ରାବ ସମୟରେ ପ୍ୟାଡ୍ ବ୍ୟବହାର ଏବଂ ପରିଷ୍କାର ପରିଚ୍ଛନ୍ନତା ରହିବା ଉପରେ କିଶୋରୀ ଓ ମହିଳାଙ୍କ ମଧ୍ୟରେ ସଚେତନତା ସୃଷ୍ଟି କରିବାରେ ଉଲ୍ଲେଖନୀୟ ଭୂମିକା ଗ୍ରହଣ କରିଥିଲେ। ସେହିପରି ମନୀଶ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭାଷଣରେ ପ୍ରେରିତ ହୋଇ ଏକ କମ୍ୟୁନିଟି କିଚେନ ସ୍ଥାପନ କରି କରୋନା ମହାମାରୀ ସମୟରେ ଭୋକିଲାଙ୍କୁ ଖାଦ୍ୟ ଯୋଗାଇ ଦେବା ଜାରି ରଖିଛନ୍ତି। ଜିତେନ୍ଦ୍ର କରୋନାରେ ଆକ୍ରାନ୍ତ ହୋଇ ସୁସ୍ଥ ହେବା ପରେ ତାଙ୍କ ବନ୍ଧୁଙ୍କ ସ୍ତ୍ରୀଙ୍କ ଚିକିତ୍ସା ଲାଗି ପ୍ଲାଜମା ଦାନ କରିଥିଲେ। ରାଷ୍ଟ୍ରପତି ଭବନରେ ଏହି ୩ ଭାଗ୍ୟଶାଳୀଙ୍କୁ ସମ୍ବର୍ଦ୍ଧିିତ କରାଯାଇଥିଲା।
