ମୁମ୍ବାଇ,୮।୪: ମୁମ୍ବାଇ ପୋଲିସ କଣ୍ଟ୍ରୋଲ ରୁମକୁ ଜଣେ ଅଜ୍ଞାତ ବ୍ୟକ୍ତି ଫୋନ କରି ଦାବି କରିଛନ୍ତି କି ଶୁକ୍ରବାର (୭ ଏପ୍ରିଲ) ଦିନ ୩ ଜଣ ଆତଙ୍କବାଦୀ ଦୁବଇରୁ ମୁମ୍ବାଇ ଆସିଛନ୍ତି। ଏମାନଙ୍କ କନେକସନ ପାକିସ୍ତାନ ସହ ରହିଛି। କେବଳ ସେତିକି ନୁହେଁ କଲର ପୋଲିସକୁ ଜଣଙ୍କ ନାମ ମୁଜିବ ସୈୟାଦ ବୋଲି କହିଛନ୍ତି। ତାଙ୍କ ମୋବାଇଲ ନମ୍ବର ଓ ଗାଡ଼ି ନମ୍ବର ବି ସେ ପୋଲିସକୁ ଦେଇଛନ୍ତି। ବିଶେଷ ସୂତ୍ରରୁ କୁହାଯାଇଛି କି କଲରଙ୍କ ନାମ ରାଜା ଠୋଂଗେ, ଯିଏ କଣ୍ଟ୍ରୋଲ ରୁମକୁ ଫୋନ କରିଥିଲେ। ପୋଲିସ ଏହି କଲ ପରେ ଆଲର୍ଟ ମୋଡକୁ ଆସିଯାଇଛି।
ସୂଚନାଯୋଗ୍ୟ, ମୁମ୍ବାଇ ପୋଲିସ କଣ୍ଟ୍ରୋଲ ରୁୂମକୁ ଗତ ମାସରେ ୧ ମାର୍ଚ୍ଚ ବିଳମ୍ବିତ ରାତି ପ୍ରାୟ ୧୧ଟାରେ ଜଣେ ଅଜଣା ବ୍ୟକ୍ତି କଲ କରି ମୁମ୍ବାଇର କୁର୍ଲା(ପଶ୍ଚିମ)ରେ ବିସ୍ଫୋରଣ ହେବା ଖବର ଦେଇଥିଲେ। ଫୋନ କରିଥିବା ବ୍ୟକ୍ତି କହିଥିଲେ କି ଆସନ୍ତା ୧୦ ମିନିଟ ମଧ୍ୟରେ କୁର୍ଲାରେ ବିସ୍ଫୋରଣ ହେବ। ଆଉ ଏମିତି କହି ସେ ଫୋନ କାଟି ଦେଇଥିଲେ। ଫୋନ କଲ ମିଳିବା ପରେ ତୁରନ୍ତ ପୋଲିସ ଯାଞ୍ଚ ପାଇଁ ଟିମ ଲଗାଇ ଦେଇଥିଲା। ହେଲେ ଘଣ୍ଟାକର ଯାଞ୍ଚ ପରେ ବି ପୋଲିସ ସେହି ସ୍ଥାନରୁ କୌଣସି ପ୍ରକାର ସନ୍ଦେହାସ୍ପଦ ଜିନିଷ ପାଇ ନ ଥିଲା।
ଯଦିଓ ମୁମ୍ବାଇ ପୋଲିସକୁ ଆଗରୁ ଏଭଳି କଲ ଆସି ସାରିଛି। ତେବେବି ପୋଲିସ କୌଣସି କଲକୁ ଅଣଦେଖା କରିପାରିବ ନାହିଁ। ସେଥିପାଇଁ ପୋଲିସ ସମସ୍ତଙ୍କୁ ଆଲର୍ଟରେ ରହିବାକୁ ନିର୍ଦ୍ଦେଶ ଦେଇଛି।
