ଇସଲାମବାଦ୍,୨୫।୭: ପାକିସ୍ତାନ ଅର୍ଥନୀତି ଏବେ ଖରାପ ପର୍ଯ୍ୟାୟ ଦେଇ ଗତି କରୁଛି। ଫଳରେ ପାକିସ୍ତାନ ଅନ୍ୟ ଦେଶ ଉପରେ ନିର୍ଭରଶୀଳ ହୋଇପଡିଛି। ପ୍ରତ୍ୟେକ ଦିନ ଗୋଟିଏ ଦେଶକୁ କିମ୍ବା ଅନ୍ୟ ଦେଶକୁ ସାହାଯ୍ୟ କରିବା ପାଇଁ ହାତ ବଢାଉଛି। ପାକିସ୍ତାନର ସେନା ମୁଖ୍ୟ ସୟଦ ଅସୀମ ମୁନିର କହିଛନ୍ତି ଯେ, ଦେଶ ବିଦେଶୀ ଋଣ ଉପରେ ନିର୍ଭର କମ୍ କରିବା ଉଚିତ୍। ଦେଶ ଆତ୍ମନିର୍ଭରଶୀଳ ହେବା ଆବଶ୍ୟକ। ପାକିସ୍ତାନ ଏକ ଗର୍ବିତ ଏବଂ ଦକ୍ଷ ଦେଶ। ସମସ୍ତ ଦେଶବାସୀ ଭିକ ମାଗୁଥିବା ପାତ୍ରକୁ ଫିଙ୍ଗି ଆତ୍ମନିର୍ଭର ହୁଅନ୍ତୁ।
ଖାନୱାଲ ମଡେଲ କୃଷି ଫାର୍ମର ଉଦ୍ଘାଟନୀ ସମାରୋହରେ ସେନା ମୁଖ୍ୟ କହିଛନ୍ତି ଯେ, ଦେଶରେ ସମସ୍ତ ମୌଳିକ ସୁବିଧା ରହିଛି। ପାକିସ୍ତାନ ବର୍ତ୍ତମାନର ସଙ୍କଟରୁ ବାହାରିବା ପର୍ଯ୍ୟନ୍ତ ସେନା ବିଶ୍ରାମ ନେବ ନାହିଁ।
ଉଲ୍ଲେଖଯୋଗ୍ୟ, ପାକିସ୍ତାନ ଚାଇନାଠାରୁ ଆଉ ଏକ ଋଣ ଆଣିବାକୁ ଯାଉଛି। ପ୍ରଧାନମନ୍ତ୍ରୀ ଶେହବାଜ ଶରିଫ ନିକଟରେ କହିଛନ୍ତି ଯେ, ଆଇଏମଏଫ ଚୁକ୍ତି ଆଧାରରେ ଦେଶର ବୈଦେଶିକ ମୁଦ୍ରା ଭଣ୍ଡାରକୁ ବୃଦ୍ଧି କରିବାରେ ପାକିସ୍ତାନ ଚାଇନା ଠାରୁ ଅତିରିକ୍ତ ୬୦୦ ମିଲିୟନ ଡଲାର୍ ଋଣ ପାଇଛି। ଜୁଲାଇରେ ପାକିସ୍ତାନର ସରକାରୀ ଋଣ ୨.୪୪ ବିଲିୟନ ଡଲାରକୁ ବୃଦ୍ଧି ପାଇଛି, ଯେଉଁଥିରେ ଚାଇନାଠରୁ ୨.୦୭ ବିଲିୟନ ଡଲାର ଋଣ ରହିଛି।
