ବୈଶିଙ୍ଗା/ବେତନଟୀ,୨୪।୯(ରତନ ଦାଶ/ଧରଣୀଧର ମହାନ୍ତି): ମୟୂରଭଞ୍ଜ ଜିଲା ବେତନଟୀ ବ୍ଲକ ବୈଶିଙ୍ଗା ଥାନା ଅଧୀନ ନାଖରା ଗ୍ରାମରେ ରବିବାର ବଜ୍ରପାତରେ ଜଣେ ଚାଷୀଙ୍କ ମୃତ୍ୟୁ ଘଟିଛି। ମୃତକ ହେଲେ ଗ୍ରାମର ସୁଦର୍ଶନ ପାଳ(୪୮)।
ସୁଦର୍ଶନ ଗାଁ ମୁଣ୍ଡରେ ଛେଳି ଚରାଉଥିଲେ। ସେତିକିବେଳେ ଘଡଘଡି ସହ ବର୍ଷା ହୋଥଇ ବଜ୍ରପାତ ହୋଇଥିଲା। ଛେଳିଗୁଡ଼ିକ ଘରକୁ ପଳାଇ ଆସିଥିବା ବେଳେ ଦୀର୍ଘ ସମୟ ଧରି ସୁଦର୍ଶନ ନ ଆସିବାରୁ ତାଙ୍କ ସାନପୁଅ ସାରେ ଖୋଜିବାକୁ ଯାଇ ବାପା ପଡ଼ିଆରେ ପଡ଼ିଥିବା ଦେଖିବାକୁ ପାଇଥିଲେ। ପରିବାର ଲୋକେ ତାଙ୍କୁ ଉଦ୍ଧାର କରି ତୁରନ୍ତ ବୈଶିଙ୍ଗା ଡାକ୍ତରଖାନାକୁ ନେଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
