![](https://www.dharitri.com/wp-content/uploads/2024/03/rain-1.jpg)
ଭୁବନେଶ୍ୱର,୭।୪: ସମଗ୍ର ରାଜ୍ୟରେ ପ୍ରବଳ ତାତି ପରେ କାଳବୈଶାଖୀ ପ୍ରଭାବରେ ପାଗ ସାମାନ୍ୟ ଥଣ୍ଡା ପଡ଼ିବାକୁ ଯାଉଛି। ରବିବାର ଅପରାହ୍ନ ଠାରୁ ଆସନ୍ତା ୩ ଘଣ୍ଟା ମଧ୍ୟରେ କୋରାପୁଟ, ରାୟାଗଡା, କାନ୍ଧାମାଲ୍, ଗଞ୍ଜାମ, କଟକ ଏବଂ ନୟାଗଡ଼ ଜିଲାର କିଛି ସ୍ଥାନରେ ବଜ୍ରପାତ ଏବଂ ହାଲୁକା ରୁ ମଧ୍ୟମ ବର୍ଷା ହେବାର ସମ୍ଭାବନା ରହିଛି। ସ୍ଥିତିକୁ ଦେଖି ପ୍ରଭାବିତ ଲୋକଙ୍କୁ ପାଣିପାଗ ଉପରେ ନଜର ରଖିବାକୁ ଏବଂ ସେହି ଅନୁଯାୟୀ ନିରାପଦ ସ୍ଥାନକୁ ଯିବାକୁ ପରାମର୍ଶ ଦିଆଯାଇଛି।
ଆଭ୍ୟନ୍ତରୀଣ ଓଡ଼ିଶା ଠାରୁ ଉତ୍ତର ତାମିଲନାଡୁ ପର୍ଯ୍ୟନ୍ତ ଛତିଶଗଡ, ବିଦର୍ଭ, ମରାଠୱାଡା, ଆଭ୍ୟନ୍ତରୀଣ କର୍ଣ୍ଣାଟକ ଦେଇ ସମୁଦ୍ର ପତ୍ତନଠାରୁ ୧.୫ କିଲୋମିଟର ପର୍ଯ୍ୟନ୍ତ ଏକ ଟ୍ରଫ୍ ଲାଇନ୍ ଲମ୍ବିଛି। ଏହାର ପ୍ରଭାବରେ ସୋମବାର ସକାଳ ସୁଦ୍ଧା ଉତ୍ତର ଓଡ଼ିଶା, ବୌଦ୍ଧ, ନବରଙ୍ଗପୁର, ବଲାଙ୍ଗୀର, ସୋନପୁର, ନୟାଗଡ଼, ପୁରୀ ଏବଂ ଓଡ଼ିଶାର ଅନ୍ୟାନ୍ୟ ଗୋଟିଏ ଦୁଇଟି ଅଞ୍ଚଳରେ ହାଲୁକରୁ ମଧ୍ୟ ଧରଣର ବର୍ଷ ସହିତ ବିଜୁଳି ଘଡ଼ଘଡ଼ି ମଧ୍ୟ ହେବାର ସମ୍ଭାବନା ରହିଛି। ଏଥି ସହିତ ଓଡ଼ିଶାର ଗୋଟିଏ ଦୁଇଟି ସ୍ଥାନ ବ୍ୟତୀତ ଅନୁଗୁଳ, କଟକ , ନୟାଗଡ, ମୟୁରଭଞ୍ଜ, ଢେଙ୍କାନାଳ, କେନ୍ଦୁଝର ଏବଂ ବାଲେଶ୍ୱରରେ ୪୦ରୁ ୫୦ କିମି ବେଗରେ ପବନ ସହିତ କୁଆ ପଥର ହେବାର ମଧ୍ୟ ସମ୍ଭାବନା ଥିବାରୁ ଅରେଞ୍ଜ ଓ୍ବାର୍ନିଂ ଜାରି କରାଯାଇଛି।
ସେହିଭଳି କାଳବୈଶାଖୀ ପ୍ରଭାବରେ ସୋମବାରରୁ ମଙ୍ଗଳବାର ମଧ୍ୟରେ ମୟୁରଭଞ୍ଜ, କେନ୍ଦୁଝର, ଅନୁଗୁଳ,ଦେଓଗଡ଼, ସମ୍ବଲପୁର, ନୟାଗଡ, ସୋନପୁର, ଗଂଜାମ, କନ୍ଧମାଳ, ଗଜପତି, ରାୟଗଡା ଏବଂ କଳାହାଣ୍ଡିରେ ବିଜୁଳି ଘଡ଼ଘଡ଼ି ସହିତ ବର୍ଷା ପବନ ହେବାର ସମ୍ଭାବନା ଥିବାରୁ ୟେଲୋ ଓ୍ବାର୍ନିଂ ଜାରି କରାଯାଇଛି।