ପାରଳାଖେମୁଣ୍ଡି,୨୭।୧୧(ଡି.ଏନ୍.ଏ) : ଗଜପତି ଜିଲା ଆଦବା ଥାନା ଗୁରୁଜୁଳି ପଞ୍ଚାୟତର ଚିଢାଙ୍ଗପଙ୍ଖା ଗ୍ରାମରୁ ଏକ ବିରଳ ବଜ୍ରକାପ୍ତା ଜବତ କରାଯାଇଛି। ମୋହନା ବନବିଭାଗ ଏବଂ ଅଡବା ପୋଲିସ ଶୁକ୍ରବାର ବିଳମ୍ବିତ ରାତିରେ କୌଣସି ବିଶେଷ ସୂତ୍ରରୁ ଖବର ପାଇ ଚିଢାଙ୍ଗପଙ୍ଖା ଗ୍ରାମରେ ଚଢ଼ାଉ କରିଥିଲେ। ଏକ କାଠ କୋରଡ ଭିତରେ ବଜ୍ରକାପ୍ତା ଟିକୁ ରଖାଯାଇଥିଲା। ତେବେ ସେହି ଉଦ୍ଧାର ବଜ୍ରକାପ୍ତାର ଲମ୍ବ ୪ ଫୁଟ୨ ଇଞ୍ଚ ହୋଇଥିବା ବେଳେ ବୟସ ପ୍ରାୟ ଚାରି ବର୍ଷ ହେବ ବୋଲି ବନବିଭାଗ ପକ୍ଷରୁ ସୂଚନା ଦିଆଯାଇଛି। ବଜ୍ରକାପ୍ତା ରଖିଥିବା ଅଭିଯୋଗରେ ଚିଢାଙ୍ଗପଙ୍ଖା ଗ୍ରାମର ଦାଦା ପୁତୁରା ଜାଗା ମାଝୀ ଏବଂ ଏସବ ମାଝୀଙ୍କୁ ଅଟକ ରଖି ତଦନ୍ତ କରାଯାଉଛି। ପାରଳାଖେମୁଣ୍ଡି ଏସିଏଫ୍ କେ ଭାସ୍କର ରାଓ ଘଟଣାର ତଦନ୍ତ କରୁଛନ୍ତି।