କୋରୁକୋଣ୍ଡା,୧।୬(ଡି.ଏନ.ଏ.): ମାଲକାନଗିରି ଜିଲା ସଦର କୋରୁକୋଣ୍ଡା ପଞ୍ଚାୟତ ଅନ୍ତର୍ଗତ ବୁଦୁଗୁଡ଼ା, ବୁଦୁଗୁଡ଼ା କଲୋନୀ, ଜାମୁଗୁଡ଼ା, ଦୁରୁମାଗୁଡ଼ା ଏବଂ ଡୁଡ଼ାମେଟା ପଞ୍ଚାୟତ ଅନ୍ତର୍ଗତ ବାଲାକାଟି, ବେଣ୍ଡାଗୁଡ଼ା, ଏମ୍ଭି ୨୩ ଆଦି ଗ୍ରାମରେ କାଳବୈଶାଖୀର ପ୍ରଭାବ ଦେଖିବାକୁ ମିଳିଛି। ପ୍ରାୟ ପାଖା ପାଖି ୨୫-୩୦ ଘରଗୁଡ଼ିକର କ୍ଷତି ଘଟିଛି। ପ୍ରବଳ ପବନରେ ଘରର ଛପର ଉଡେଇ ନେଇଥିବା ବେଳେ କେତେକ ଘର ଉପରେ ଗଛ ପଡ଼ି ଘର ଭାଙ୍ଗିଯାଇଛି। ବିଦ୍ୟୁତ୍ ଖୁଣ୍ଟ ଉପରେ ଗଛ ପଡ଼ି ବିଦ୍ୟୁତ୍ ସରବରାହ ମଧ୍ୟ ବନ୍ଦ ହୋଇଯାଇଛି। ଖବରପାଇ କୋରୁକୋଣ୍ଡା ଏମ୍ପି ସତ୍ୟନାରାୟଣ ପାଣଗ୍ରାହୀ, ବ୍ଲକ ସଦସ୍ୟ ଜିତୁ ବୁରୁଡି, କୋରୁକୋଣ୍ଡା ଜୋନ ୧ ଜିଲା ପରିଷଦ ସଦସ୍ୟା ବିଜୟ ଲକ୍ଷ୍ମୀ ପଡ଼ିଆମି, କୋରୁକୋଣ୍ଡା ରାଜସ୍ବ ନୀରିକ୍ଷକ ପ୍ରଦୀପ ବରାଡ, ଉକ୍ତ ଅଞ୍ଚଳକୁ ବୁଲି କ୍ଷତି ଗ୍ରସ୍ତ ପାରିବାର ସହ ଆଲୋଚନା କରି ପଲିଥିନ ପ୍ରଦାନ କରିଛନ୍ତି। ଆଗାମୀ ଦିନରେ କ୍ଷତି ପୂରଣ ପାଇଁ ଆର୍ଥିକ ସହାୟତା ଯୋଗାଇ ଦିଆଯିବ ବୋଲି କହିଛନ୍ତି।