ମୁମ୍ବାଇ : ଟାଇଗର-୩ ରିଲିଜ ଦିନ ଯେତେ ପାଖେ ଆସୁଛି ଏହାକୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ସେତେ ବଢ଼ିବାରେ ଲାଗିଛି। ଫିଲ୍ମରେ ସଲମାନ ଖାନ ଏବଂ କ୍ୟାଟ୍ରିନା କୈଫ ମଧ୍ୟରେ ପୁଣି ରୋମାନ୍ସ ଦର୍ଶକ ଦେଖିବାର ସୁଯୋଗ ପାଇବେ। ତେବେ ଏବେ ସୋସିଆଲ ମିଡ଼ିଆରେ କ୍ୟାଟ୍ରିନାଙ୍କ ଏକ ସିନ ଲିକ ହୋଇଛି। ସିନରେ ସେ ଆକ୍ସନ ମୁଡରେ ଥିବା ଦେଖିବାକୁ ମିଳୁଛି।
ସିନରେ ଏକ କାର ଏବଂ ବାଇକ ମଧ୍ୟରେ ଧକ୍କା ହେଉଥିବାର ଦେଖାଯାଉଛି। ସେଠାରେ ଜଣେ ମହିଳା ଆକ୍ସନ କରୁଛନ୍ତି। ସେ କ୍ୟାଟ୍ରିନା ହୋଇଥିବା ନିଶ୍ଚିତ ହେଉଛି। ଏହା ପୂର୍ବରୁ ସଲମାନ ଏବଂ କ୍ୟାଟ୍ରିନାଙ୍କ ଏକ ଭିଡ଼ିଓ ଲିକ ହୋଇଥିଲା। ଭିଡ଼ିଓରେ ଦୁହେଁ ଡ୍ୟାନ୍ସ କରୁଥିବା ଦେଖିବାକୁ ମିଳିଥିଲା। ତେବେ ଉଭୟଙ୍କ ଚେହେରା ଅସ୍ପଷ୍ଟ ଥିଲା।
