ମୁମ୍ବାଇ: ବଲିଉଡର ଭାଇଜାନ ତଥା ସଲମାନ ଖାନ ତାଙ୍କ ଆଗାମୀ ଚଳଚ୍ଚିତ୍ର ‘ଟାଇଗର-୩’ ପାଇଁ କ୍ରମାଗତ ଭାବରେ ହେଡଲାଇନରେ ରହିଛନ୍ତି। ନିକଟରେ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ଟାଇଗର-୩’ ର ଟିଜର ରିଲିଜ ହେବା ପରଠାରୁ ସଲମାନ ଖାନ ପ୍ରଶଂସକଙ୍କ ମଧ୍ୟରେ ଚର୍ଚ୍ଚାରେ ରହିଆସିଛନ୍ତି। ଏହି ସମୟରେ ଫିଲ୍ମର ଟ୍ରେଲର ରିଲିଜ ହେବା ପୂର୍ବରୁ ନିର୍ମାତା ଫିଲ୍ମରୁ ସଲମାନ ଖାନଙ୍କ ନୂଆ ଲୁକ୍ ଶେୟାର କରିଛନ୍ତି।
‘ଟାଇଗର-୩’ ଆଣିବାକୁ ସଲମାନ ଖାନ ପ୍ରସ୍ତୁତ ଅଛନ୍ତି ଏବଂ ଟ୍ରେଲର ରିଲିଜ ପୂର୍ବରୁ ନିର୍ମାତା ୟଶ ରାଜ ଫିଲ୍ମସ ଏକ ନୂଆ ଫଟୋ ରିଲିଜ କରିଛନ୍ତି ଯେଉଁଥିରେ ସଲମାନ ଖାନଙ୍କୁ ଆଗାମୀ ଫିଲ୍ମରୁ ‘ର’ଏଜେଣ୍ଟ ଟାଇଗର ଭାବରେ ଦର୍ଶାଯାଇଛି। ଏହି ନୂଆ ରୂପରେ ଭାଇଜାନ ହାତରେ ଏକ ଚେନ୍ ଧରିଥିବାର ନଜର ଆସିଛନ୍ତି। ଏହି ପୋଷ୍ଟର ଶେୟାର କରି ସଲମାନ ଲେଖିଛନ୍ତି, ୧୬ ଅକ୍ଟୋବରରେ ‘ଟାଇଗର-୩’ ଟ୍ରେଲର ଆସୁଛି। ଏଥର ଦିଓ୍ବାଲିରେ ସିନେମା ଘରେ ଫିଲ୍ମ ଆସିବାକୁ ଯାଉଛି।