ଅନେକ ପ୍ରାଣୀ ଜଙ୍ଗଲରେ ରୁହନ୍ତି। ସେମାନଙ୍କ ମଧ୍ୟରୁ ବାଘ ସବୁଠୁ ଭୟଙ୍କର। ସମ୍ପ୍ରତି ସୋସିଆଲ ମିଡିଆରେ ଏକ ଭିଡିଓ ସାମ୍ନାକୁ ଆସିଛି, ଯାହାକୁ ଦେଖିଲେ ଆଶ୍ଚର୍ଯ୍ୟ ହେବେ। ଜଙ୍ଗଲରେ ଉଭୟ ବାଘ ଏବଂ ଭାଲୁ ପରସ୍ପର ସହ ମୁହାଁମୁହିଁ ହୋଇଥିଲେ। ଠିକ୍ ସେତିକିବେଳେ ଦୁହିଁଙ୍କ ମଧ୍ୟରେ ପ୍ରବଳ ଝଗଡ଼ା ହୋଇଥିଲା। ବର୍ତ୍ତମାନ ଏହି ମୁହାଁମୁହିଁର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
ଭିଡିଓରେ ପ୍ରଥମେ ଭାଲୁଟି ବାଘ ଉପରେ ଆକ୍ରମଣ କରୁଥିବା ଦେଖିବାକୁ ମିଳିଛି। ଭାଲୁର ଗୋଟିଏ ଆକ୍ରମଣରେ ପ୍ରଥମେ ବାଘଟି ଭୂମି ଉପରେ ପଡ଼ିଯାଉଛି। କିନ୍ତୁ ସେ ପୁନର୍ବାର ଉଠି ଭାଲୁ ଉପରେ ଆକ୍ରମଣ କରୁଛି। ବାଘଟି ଭାଲୁ ସହ ଜୋରଦାର ଲଢ଼େଇ କରୁଛି। କିଛି ସମୟରେ ବାଘଟି ଜଙ୍ଗଲକୁ ଚାଲିଯାଉଛି। ଭାଲୁ ପୁଣି ବାଘ ପଛରେ ଦୌଡୁଛି। ଶେଷରେ ବାଘଟି ଭାଲୁଠାରୁ ଦୂରେଇ ଯାଉଥିବାର ଦେଖାଯାଏ।
ଭିଡିଓଟି ସୋସିଆଲ ମିଡିଆରେ ଶେୟାର ହେବା ମାତ୍ରେ ଲୋକମାନେ ସେମାନଙ୍କର ପ୍ରତିକ୍ରିୟା ଦେବାରେ ଲାଗିଛନ୍ତି। ଜଣେ ଉପଭୋକ୍ତା ଲେଖିଛନ୍ତି, ଆମେ ସବୁବେଳେ ଭାବୁଥାଉ ବାଘ ଅତ୍ୟନ୍ତ ବିପଜ୍ଜନକ, କିନ୍ତୁ ଭାଲୁ ମଧ୍ୟ ଦେଖାଇ ଦେଲା ଯେ, ତା’ର ବି କେତେ ଶକ୍ତି ଅଛି। ଏହି ସମୟରେ ଅନ୍ୟ ଜଣେ ୟୁଜର କହିଛନ୍ତି, ଭିଡିଓଟି ପ୍ରକୃତରେ ଆଶ୍ଚର୍ଯ୍ୟଜନକ।
ଏହି ଭିଡିଓଟି @ ବୋସ୍କି ଖାନ୍ନା ନାମକ ଟୁଇଟର ପେଜ୍ରେ ଶେୟାର କରାଯାଇଛି। ଭିଡିଓକୁ ବର୍ତ୍ତମାନ ସୁଦ୍ଧା ଶତାଧିକ ଲୋକ ଦେଖିସାରିଲେଣି। @ ବୋସ୍କି ଖାନ୍ନା ମଧ୍ୟ ଏହି ଭିଡିଓକୁ ଆଇଏଫ୍ଏସ୍ ପ୍ରବୀଣ କାଶଓ୍ବାନଙ୍କୁ ଟ୍ୟାଗ୍ କରିଛନ୍ତି।