ବାଘର ନାଁ ଶୁଣିଲେ ସମସ୍ତଙ୍କ ଦେହ ଥରିବାକୁ ଲାଗିଥାଏ। ସେ ମଣିଷ ହୁଅନ୍ତୁ ଅବା ପଶୁ। ବାଘ ତା ନିଜର ଆହାର ପାଇଁ ଯେକୌଣସି ପ୍ରାଣୀଙ୍କୁ ବି ଶିକାର କରିପାରେ। ସୋସିଆଲ ମିଡିଆରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ଏକ ବାଘ ଗଛରେ ବସିଥିବା ମାଙ୍କଡ଼ ଉପରେ ଆକ୍ରମଣ କରିବାକୁ ଯାଇ ନିଜେ ନିଜ ଜାଲରେ ଫସୁଛି। ସେତେବେଳେ ଏପରି କିଛି ଘଟିଥଲା ଯେ ବାଘଟି ଫିସଯିବା ସହ ଶିକାର ମଧ୍ୟ ତାଙ୍କ ହାତରୁ ଖସିଯାଇଥିଲା। ଭିଡିଓରେ ଏକ ମାଙ୍କଡ ଗଛ ଉପରେ ଆରାମରେ ବସିଥିବା ବେଳେ ବାଘ ପଛରୁ ମାଙ୍କଡ ଆଡକୁ ଯାଇ ଆକ୍ରମଣ କରିବାକୁ ଚେଷ୍ଟା କରୁଛି। ମାଙ୍କଡ ନିଜ ଜୀବନ ବଞ୍ଚାଇବା ପାଇଁ ପଳାଇ ଯାଇଥିବା ବେଳେ ବାଘ ତଳେ ପଡ଼ିଯାଉଛି। ଅନେକଥର ଦେଖିଥିବେ ଯେ, ଦୁର୍ବଳମାନେ ମଧ୍ୟ ବୁଦ୍ଧିମାନର କାମ କରନ୍ତି। ଯାହାକୁ କେହି କଳ୍ପନା ମଧ୍ୟ କରିପାରିବେ ନାହିଁ। ଏହି ଭିଡିଓକୁ ଆଇଏଏସ୍ ଅଧିକାରୀ ଅବନୀଶ ଶରଣ ଶେୟାର କରିଛନ୍ତି। ସେ କ୍ୟାପଶନରେ ଲେଖିଛନ୍ତି, ପରିସ୍ଥିତିର ଶିକାର । ଭିଡିଓଟି ଭାଇରାଲ ହେବାରେ ଲାଗିଛି।