କୋକସରା, ୧୬।୧ (ଡି.ଏନ.ଏ.): କଳାହାଣ୍ଡି ଜିଲା ଆମପାଣି ଘାଟି ରାସ୍ତାରେ ଗତ କିଛିଦିନ ତଳେ ଏକ କଲରାପତରିଆ ବାଘ ଦେଖିବାକୁ ମିଳିଥିବା ବେଳେ ଗୁରୁବାର ରାତି ପ୍ରାୟ ୧୦ଟାରେ ଆମପାଣି ଥାନା ପରିସରରେ ୨ ବାଘ ଛୁଆ ବୁଲୁଥିବା ଜଣାପଡ଼ିଛି। ବାଘ ଛୁଆ ଚିତ୍ର ଥାନାର ସିସିଟିଭିରେ କଏଦ ହୋଇଛି। ଏହା ପରେ ଆମପାଣି ଘାଟି ସାହାଜଖୋଲ ଜଙ୍ଗଲରେ ବାଘ ଥିବା ସନ୍ଦେହ କରାଯାଇଛି। ଘଟଣା ପରେ ବନ ବିଭାଗର ଏକ ଟିମ୍ ପହଞ୍ଚତ୍ ତଦନ୍ତ ଜାରି ରଖିଛନ୍ତି। ବାଘ ବୋଲି ସ୍ପଷ୍ଟ ଜଣାପଡି ନ ଥିଲେ ହେଁ ପାଦ ଚିହ୍ନରୁ ଅନୁମାନ କରାଯାଇଛି। ଏ ନେଇ ଆମପାଣି ବନପାଳ ଜଗନ୍ନାଥ ନାଗଙ୍କୁ ପଚାରିବାରୁ ତଦନ୍ତ ଚାଲିଛି, ସ୍ପଷ୍ଟ ଜଣାପଡି ନାହିଁ ବୋଲି କହିଛନ୍ତି ।
ଆମପାଣି ଥାନା ଅଧିକାରୀ ପୁଷ୍ପାଞ୍ଜଳି ନିଙ୍ଗିଙ୍କୁ ପଚାରିବାରୁ ଥାନାରେ ଲାଗିଥିବା ସିସି ଟିଭି ଫୁଟେଜରୁ ଥାନା ପରିସରକୁ ବାଘ ଛୁଆ ଆସିଥିବା କହିଛନ୍ତି।