ନିଜ ସମୟର ସବୁଠାରୁ ସୁନ୍ଦରୀ ଅଭିନେତ୍ରୀଙ୍କ ମଧ୍ୟରେ ଜଣେ ଥିଲେ ଶର୍ମିଲା ଟାଗୋର। ସେ ଭାରତୀୟ କ୍ରିକେଟ ଦଳର ଅଧିନାୟକ ମନସୁର ଅଲ୍ଲୀ ଖାନ୍ ପଟୌଦୀଙ୍କୁ ବିବାହ କରିଥିଲେ। ତେବେ ମନସୁର ଶର୍ମିଲାଙ୍କୁ ପ୍ରଭାବିତ କରିବା ପାଇଁ ୭ଟି ଫ୍ରିଜ୍ ତାଙ୍କ ପାଖକୁ ପଠାଇଥିଲେ। ନିକଟରେ ଏକ ସାକ୍ଷାତକାରରେ ଝିଅ ସୋହା ଅଲ୍ଲୀ ଖାନ୍ ଏହା କହିଥିଲେ।
୧୯୬୫ ମସିହାରେ ଦିଲ୍ଲୀରେ ଶର୍ମିଲା ଏବଂ ମନ୍ସୁରଙ୍କ ମଧ୍ୟରେ ପ୍ରଥମ ସାକ୍ଷାତ ହୋଇଥିଲା। ଏହି ସମୟରେ ମନ୍ସୁର ଭାରତୀୟ କ୍ରିକେଟ ଦଳର ଅଧିନାୟକ ଥିଲେ। ଜଣେ ବନ୍ଧୁଙ୍କ ସହାୟତାରେ ସେମାନଙ୍କର ସାକ୍ଷାତ ହୋଇଥିଲା। ଏହି ସମୟରେ ଶର୍ମିଲା ପଟୌଦୀର ନବାବଙ୍କ ବିଷୟରେ ସବୁକିଛି ଜାଣିଥିଲେ। କିନ୍ତୁ ପଟୌଦୀ ଶର୍ମିଲାଙ୍କ ବିଷୟରେ କିଛି ଜାଣି ନ ଥିଲେ। ସେ ଶର୍ମିଲାଙ୍କ କୌଣସି ଫିଲ୍ମ ମଧ୍ୟ ଦେଖି ନ ଥିଲେ। ମାତ୍ର ପ୍ରଥମ ଦେଖାରେ ପଟୌଦୀ ଶର୍ମିଲାଙ୍କୁ ଭଲପାଇ ବସିଥିଲେ।
ସାକ୍ଷାତକାରେ ଝିଅ ସୋହା କହିଥିଲେ ଯେ, ମା’ଙ୍କୁ ପ୍ରଭାବିତ କରିବା ପାଇଁ ବାପା ଗୋଟିଏ କି ଦୁଇଟି ନୁହେଁ ବରଂ ୭ଟି ଫ୍ରିଜ୍ ତାଙ୍କ ପାଖକୁ ପଠାଇଥିଲେ। ଏହା ମାଧ୍ୟମରେ କେବଳ ମା’ଙ୍କ ପ୍ରତିକ୍ରିୟା ଜାଣିବାକୁ ସେ ଚାହୁଁଥିଲେ ବୋଲି ସୋହା କହିଥିଲେ। ଏହା ପରେ ମା’ ଶର୍ମିଲା ବାପାଙ୍କୁ ଫୋନ୍କରି ‘ତୁମେ ପାଗଳ କି’ ବୋଲି କହିଥିଲେ। ଏହି ଘଟଣା ପରେ ପଟୌଦୀ ଶର୍ମିଲାକୁ ରାତ୍ର ଭୋଜନ ପାଇଁ ନେବାକୁ ଚାହୁଁଥିବା କହିଥିଲେ। ଏହା ପରେ ସେମାନଙ୍କ ମଧ୍ୟରେ ପ୍ରେମ ଓ ପରେ ବିବାହ ହୋଇଥିବା ବୋଲି ସୋହା କହିଥିଲେ।
