ମୁମ୍ବାଇ: ବି-ଟାଉନର ଲଭ୍ବାର୍ଡ ଦିଶା ପଟାନୀ ଓ ଟାଇଗର ଶ୍ରଫ୍ଙ୍କୁ ଲକ୍ଡାଉନରେ ଘରୁ ବାହାରିବା ମହଙ୍ଗା ପଡ଼ିଛି। ମଙ୍ଗଳବାର ଏହି ଚର୍ଚ୍ଚିତ ଯୋଡ଼ି ଡ୍ରାଇଭ୍ରେ ବାହାରିଥିବା ବେଳେ ମୁମ୍ବାଇ ପୋଲିସ ତାଙ୍କୁ ଅଟକାଇଦେଇଥିଲେ। ହେଲେ ପରେ ପୋଲିସ ତାଙ୍କୁ ଛାଡ଼ିଦେଇଥିବା ଜଣାପଡ଼ିଛି। ସୂଚନାଯୋଗ୍ୟ, ବେଶ୍ କିଛି ଦିନରୁ ଅଭିନେତା ଟାଇଗର ଓ ଅଭିନେତ୍ରୀ ଦିଶା ପଟାନୀ ଦୁହେଁ ଦୁହିଁଙ୍କୁ ଡେଟ୍ କରୁଛନ୍ତି। ପ୍ରାୟ ସମୟରେ ଦୁହିଁଙ୍କୁ ଏକାଠି ସ୍ପଟ ମଧ୍ୟ କରାଯାଇଛି। ତେବେ ମଙ୍ଗଳବାର ଟାଇଗର ଓ ଦିଶା ନିଜର ଜିମ୍ ସାରି ଡ୍ରାଇଭ୍ରେ ବାହାରିଥିଲେ। ବାନ୍ଦ୍ରାରେ ଡ୍ରାଇଭ୍ କରୁଥିବା ସମୟରେ ପୋଲିସ ତାଙ୍କୁ ଅଟକାଇଦେଇଥିଲା। ଏହି ସମୟରେ ଦିଶା ଗାଡ଼ିର ସମ୍ମୁଖ ସିଟ୍ରେ ବସିଥିବା ବେଳେ ଟାଇଗର ପଛ ସିଟ୍ରେ ବସିଥିଲେ। ପୋଲିସ ସେମାନଙ୍କର ଆଧାରକାର୍ଡ, ଲାଇସେନ୍ସ ଓ ଗାଡ଼ିର ଅନ୍ୟ କାଗଜପତ୍ର ଯାଞ୍ଚ କରିବା ପରେ ଛାଡ଼ିଦେଇଥିବା ସୂଚନା ରହିଛି।