ବମ୍ବେ: ପ୍ରଥମେ ଡେଟିଂ ପରେ ପ୍ରେମ। ଆଉ ଏବେ ବାଟ ଅଲଗା। ଆମେ କଥା ହେଉଛୁ ବଲିଉଡ୍ର ମୋଷ୍ଟ ଏଲିଜିବୁଲ୍ ବ୍ୟାଚଲର ଟାଇଗର ଶ୍ରଫଙ୍କ ବିଷୟରେ। ଦୀର୍ଘଦିନର ପ୍ରେମିକା ଦିଶା ପଟାନୀଙ୍କଠାରୁ ଅଲଗା ହେବା ପରେ ସେ ଏବେ ସିଙ୍ଗଲ ବୋଲି ନିଜକୁ କହି ବୁଲୁଛନ୍ତି। ସାଥୀଟିଏ ଖୋଜୁଥିବା ତାଙ୍କ ହୃଦୟ ଅନ୍ୟ ଜଣେ ଅଭିନେତ୍ରୀଙ୍କ ଉପରେ ଆସିସାରିଛି। ସେ ହେଲେ ଚୁଲ୍ବୁଲି ଶ୍ରଦ୍ଧା କପୁର।
ଟାଇଗର କରନ୍ଙ୍କ ଶୋ’ କଫି ଉଇଥ୍ କରନ୍’ରେ କିଛି ବ୍ୟକ୍ତିଗତ କଥା କହି ଚର୍ଚ୍ଚାରେ। ଶୋ’ରେ ଅଭିନେତା ନିଜର ଲଭ୍ ଲାଇଫ ଉପରେ ଅନେକ କଥା ଉପରୁ ପରଦା ଉଠାଇଛନ୍ତି। ଏବେ ସେ ଏକାକୀ। ସାଥୀଟିଏ ଖୋଜୁଛନ୍ତି। ଅଭିନେତ୍ରୀ ଶ୍ରଦ୍ଧାଙ୍କୁ ସେ ପସନ୍ଦ କରନ୍ତି ବୋଲି ମଧ୍ୟ କହିଥିବା ନଜର ଆସିବେ। ଏସବୁ କଥାରୁ ଟାଇଗର ଏବଂ ଦିଶାଙ୍କ ବାଟ ଅଲଗା ହୋଇଥିବା ସ୍ପଷ୍ଟ ହୋଇଛି। ଏବେ ସେ ଜୀବନରେ ଆଗକୁ ବଢ଼ିବାକୁ ମଧ୍ୟ ଚାହୁଁଛନ୍ତି। ସାଥୀ ହିସାବରେ ଦେଖିଲେ ତାଙ୍କୁ ଶ୍ରଦ୍ଧାଙ୍କ ସହ ଦେଖିବାକୁ ମିଳିପାରେ ବୋଲି ଚର୍ଚ୍ଚା ହେଉଛି।
