କଣ୍ଟାମାଳ,୨୧।୭(ଡି.ଏନ୍.ଏ.): ବୌଦ୍ଧ ଜିଲା କଣ୍ଟାମାଳ-ମନମୁଣ୍ଡା ରାସ୍ତାର କପାଶିରା ଛକ ନିକଟରେ ବୁଧବାର ଏସ୍ଟିଏଫ କବଜାରେ ବାଘ ଶିକାରୀ ହର ରଣାଙ୍କୁ ଗିରଫ କରିଛି । ବାଘ ଛାଲ ବିକ୍ରି ନିମନ୍ତେ କଥା ଚାଲିଥିବା ବେଳେ ଏସ୍ଟିଏଫ ସ୍ବତନ୍ତ୍ର ଟିମ ବନ୍ଧୁକ ଓ ଗୁଳି ସହ ବାଘଛାଲକୁ ଜବତ କରିଛି ।
ଛାଲର ଫରେନ୍ସିକ ଯାଞ୍ଚ ପାଇଁ ଡେରାଡୁନକୁ ପଠାଯିବ ବୋଲି ସୂଚନା ମିଳିଛି । ବର୍ଷକ ମଧ୍ୟରେ ୧୫ଟି କଲରାପତରିଆ ବାଘ ଛାଲ, ୯ଟି ହାତୀ ଦାନ୍ତ, ୩ଟି ଜୀବନ୍ତ ବଜ୍ରକାପ୍ତା ଏସ୍ଟିଏଫ ଟିମ୍ ଜବତ କରିଛି ।