ବୋଡେନ,୨୪।୯(ଡି.ଏନ.ଏ.): ନୂଆପଡ଼ା ଜିଲା ବୋଡେନ ବ୍ଲକ ଖଇରାରେ ବାଘ ଆତଙ୍କ ଦେଖାଦେଇଛି। ଖବର ଅନୁସାରେ, ଗୁରୁବାର ରାତିରେ ଖଇରା ଗ୍ରାମ ଡୁମେରପଡାର ଜିତ ମାଝିଙ୍କ ଗୁହାଳରୁ ଏକ ଗାଈକୁ ବାଘ ଟାଣି ନେଇଥିଲା। ସକାଳୁ ବହୁ ଖୋଜାଖୋଜି ପରେ ଗାଁ ପାଖରେ ଗାଈଟି ମରିପଡିଥିବା ଲୋକେ ଦେଖିବାକୁ ପାଇଥିଲେ। ଖବର ପାଇ ବୋଡେନ ପ୍ରାଣୀଧନ ଚିକିତ୍ସକ ଟିକେରାମ ମାଝି ଘଟଣାସ୍ଥଳ ପରିଦର୍ଶନ କରି ବ୍ଳକ ପ୍ରାଣୀଧନ ଅଧିକାରୀଙ୍କୁ ରିପୋର୍ଟ ପ୍ରଦାନ କରିଥିବା ଜଣାପଡିଛି। ଏ ନେଇ ସ୍ଥାନୀୟ ବନ ବିଭାଗ କର୍ମଚାରୀଙ୍କୁ ପଚାରିବାରୁ ଅଭିଯୋଗ ଆସିଲେ ତଦନ୍ତ କରାଯିବ ବୋଲି କହିଛନ୍ତି।