ଅଧିକାଂଶ ସମୟରେ ସୋସିଆଲ ମିଡିଆରେ ବନ୍ୟଜନ୍ତୁମାନଙ୍କ ସହିତ ଜଡ଼ିତ ଅନେକ ଭିଡିଓ ଭାଇରାଲ ହୋଇଥାଏ। ବେଳେବେଳେ ବନ୍ୟଜନ୍ତୁମାନଙ୍କ ମଧ୍ୟରେ ଝଗଡ଼ା ହେଉ କି ଲୋକଙ୍କୁ ଶିକାର କରିବା ହେଉ ଭାଇରାଲ ହୋଇଥାଏ। ଭିଡିଓ ଦେଖିବା ପରେ ଅନେକ ଲୋକ ଭୟଭୀତ ହୋଇପଡ଼ନ୍ତି। କୌଣସି ଜଙ୍ଗଲ ସଫାରୀ କିମ୍ବା ପ୍ରାଣୀ ଉଦ୍ୟାନକୁ ଯେତିକି ନିରାପଦ କୁହାଯାଇପାରେ ତାହା ସେତିକି ନିରାପଦ ହୋଇ ନ ଥାଏ। କାରଣ ଏହା ଜଙ୍ଗଲୀ ପଶୁମାନଙ୍କର ଆଡ୍ଡା। ମଣିଷ ପରି ସେମାନଙ୍କର ବୁଝି ବିଚାରି କାମ କରିବା ଶକ୍ତି ନ ଥାଏ। ତେଣୁ ପ୍ରତି ମୁହୂର୍ତ୍ତରେ ଏମାନଙ୍କ ପ୍ରତି ଭୟ ରହିଥାଏ। ଏଠାକୁ ଗଲେ ସତର୍କତାର ସହ ଯିବାକୁ ପଡ଼ିଥାଏ।
Whoa and very sad as well!pic.twitter.com/MrKlUYqjZo
— Figen (@TheFigen) June 27, 2022
ବନ୍ୟଜନ୍ତୁ ଭାଇରାଲ ସିରିଜରେ ଥିବା ଭୟାନକ ଭିଡିଓଟି ପ୍ରାଣୀ ଉଦ୍ୟାନର ଅଟେ। ଯେଉଁଠାରେ ଏକ ବାଘ ଲମ୍ଫ ପ୍ରଦାନ କରି ପାଣିକୁ ଡେଉଁଛି। ଏହା ଦେଖି କୁନି ଝିଅଟି ଭୟଭୀତ ହୋଇ ଦୌଡ଼ୁଛି। ଭିଡିଓଟି @ figenରେ ଶେୟାର ହୋଇଛି। ଏଥିରେ ଦୁଇଟି ବାଘ ଠିଆ ହୋଇଥିବା ଦେଖିବାକୁ ମିଳିଛି। ସେମାନଙ୍କ ସାମ୍ନାରେ ଠିଆ ହୋଇ କୁନି ଝିଅଟି ଫଟୋ ଉଠାଇବାକୁ ଚାହୁଁଥିଲା। କିନ୍ତୁ ତା’ପରେ ହଠାତ୍ ଏକ ବାଘ ଏପରି ଡେଇଁଲା ଯେ, ଏହା ସିଧାସଳଖ ଆସି ଝିଅଟି ପଛପଟରେ ପଡ଼ିଲା। ଏହା ଦେଖି କୁନି ଝିଅଟି ଭୟରେ ଦୌଡ଼ିଲା। ସୌଭାଗ୍ୟବଶତଃ ଝିଅଟିର କିଛି ହୋଇ ନ ଥିଲା। କାରଣ ଏହା ପଛରେ ଏକ ମୋଟା କାଚର କାନ୍ଥ ଥିଲା। କାନ୍ଥ ନିକଟରେ ଏକ ପୁଲ୍ ଥିଲା। ଯାହା ନିକଟରେ ବାଘ ରହୁଥିଲା।
ସୋସିଆଲ ମିଡିଆରେ ଅନେକ ୟୁଜର ବାଘଟି ଝିଅକୁ ଖାଇବା ଉଦ୍ଦେଶ୍ୟରେ ପାଣିକୁ ଡେଇଁଥିଲା ବୋଲି ଲେଖିଛନ୍ତି। ଯାହାକି ସମ୍ପୂର୍ଣ୍ଣ ଭୁଲ୍ ଅଟେ। କାରଣ ପ୍ରାଣୀ ଉଦ୍ୟାନର କର୍ମଚାରୀ ବାଘଙ୍କୁ ଯୋଗାଉଥିବା ଖାଦ୍ୟ ଧରିବାକୁ ବାଘଟି ଡେଇଁଥିଲା। ଯାହା ଭିଡିଓକୁ ନିରୀକ୍ଷଣ କରି ଦେଖିଲେ ବୁଝାପଡ଼େ। ତେବେ ସେ ଯାହା ବି ହେଉନା କାହିଁକି ଭିଡିଓଟି ଖୁବ୍ ଭାଇରାଲ ହେଉଛି।
