ୱାଶିଂଟନ,୨୪ ।୩: ଆମେରିକାରେ ବଢି ଚାଲିଥିବା ସୁରକ୍ଷା ଚିନ୍ତା ଓ ଟିକଟକ କମ୍ପାନୀ ଉପରେ ଚାଇନ ସହ ସମ୍ଭାବିତ ପ୍ରଭାବ ମଧ୍ୟରେ ଟିକଟକର ସିଇଓ ଶାଉ ଜି ଚ୍ୟୁ ଗୁରୁବାର ଆମେରିକା କଂଗ୍ରେସ ସାମ୍ନାରେ ସାକ୍ଷି ଦେଇଛନ୍ତି । କଂଗ୍ରେସ ସମିତିର ଅଧ୍ୟକ୍ଷ ଶାଉ ଜି ଚ୍ୟୁଙ୍କ ଏହା ପ୍ରଥମ ଉପସ୍ଥିତି । ସୂଚନାଯୋଗ୍ୟ, ଚାଇନା ସୋସିଆଲ ମିଡିଆ ଆପ ଟିକଟକ ଉପରେ ଅଭିଯୋଗ ରହିଛି କି ସେ ତା’ର ଡାଟା ଚାଇନାର ସେନା ପିପୁଲ୍ସ ଲିବରେଶନ ଆର୍ମିକୁ ଯୋଗାଉଛି ।
ଚ୍ୟୁଙ୍କୁ ଆମେରିକା ହାଉସ ଏନର୍ଜି ଆଣ୍ଡ କମର୍ସ କମିଟି ପକ୍ଷରୁ ପ୍ରତିକୂଳ ପଚରା ଉଚରାର ସମ୍ନା କରିବାକୁ ପଟିଛି । ପଚରା ଉଚରା ସମୟରେ ଚ୍ୟୁ ବାରମ୍ବାର ଏହା ପ୍ରମାଣିତ କରିବାକୁ ଚେଷ୍ଟା କରୁଥିଲେ କି ତାଙ୍କ କମ୍ପାନୀ ଟିକଟକ ଆମେରିକାର ରାଷ୍ଟ୍ରୀୟ ସୁରକ୍ଷା ଚିନ୍ତାକୁ ଦୂର କରିବାକୁ ବାସ୍ତବିକ ରୂପେ କାର୍ଯ୍ୟ କରୁଛି ।
ଦୀର୍ଘ ୪ ଘଣ୍ଟାର ଲମ୍ବା ପଚରା ଉଚରା ସମୟରେ ଚ୍ୟୁ ବାରମ୍ବାର ଜୋର ଦେଇ କହୁଥିଲେ କି ଚାଇନା ପ୍ରାଦ୍ଦ୍ୟୋଗିକ କମ୍ପାନୀ ବାଟଡ୍ୟାନ୍ସର ସ୍ୱାମିତ୍ୱ ବାଲା ଟିକଟକ ଆପ ଦୀର୍ଘ ସମୟରୁ କହି ଆସୁଛି କି ଏହା ଚାଇନା ସରକାରଙ୍କ ସହ ଡାଟା ଶେୟାର କରୁନାହିଁ ଓ ଏହା ଆମେରିକାରେ ତା’ର ୧୫ କୋଟି ଉପଯୋଗକର୍ତ୍ତାଙ୍କ ପାଇଁ ଅସୁବିଧା ସୃଷ୍ଟି କରୁନାହିଁ । ଚ୍ୟୁ ଆହୁରି ମଧ୍ୟ କହିଥିଲେ, ଟିକଟକ ଚାଇନା କମ୍ୟୁନିଷ୍ଟ ପାର୍ଟି(ସିପିସି)ସହ ତା’ର ଡାଟା ଶେୟାର କରୁନାହିଁ ।
