କୋଲୋନେ, ୧୯ା୧୦ (ଏପି)-ଆଲେକ୍ଜାଣ୍ଡର ଜେଭରେଭ ୧୭ ମାସ ବ୍ୟବଧାନରେ ଏକ ଟାଇଟଲ ଜିତିବାରେ ସମର୍ଥ ହୋଇଛନ୍ତି। ରବିବାର ଫେଲିକ୍ସ ଅଗର ଆଲିଆସିମିଙ୍କୁ ସେ ୬-୩, ୬-୩ ସେଟ୍ରେ ହରାଇ କୋଲୋନେ ଇନ୍ଡୋର ଟେନିସ୍ ଟାଇଟଲ ଜିତିଛନ୍ତି। ଚଳିତବର୍ଷ ଗ୍ରାଣ୍ଡସ୍ଲାମ ଟୁର୍ନାମେଣ୍ଟରେ ଜେଭରେଭ୍ଙ୍କ ପ୍ରଦର୍ଶନ ଖୁବ୍ ଭଲ ରହିଛି। ଜାନୁୟାରୀରେ ଅଷ୍ଟ୍ରଲିଆନ୍ ଓପନ୍ରେ ସେ ତାଙ୍କ ପ୍ରଥମ ସେମିଫାଇନାଲ ଖେଳିଥିଲେ। ଗତ ମାସରେ ୟୁ.ଏସ୍ ଓପନ୍ରେ ସେ ପ୍ରଥମ ଫାଇନାଲ ଖେଳିଥିଲେ। ଡୋମିନିକ୍ ଥିମ୍ଙ୍କଠାରୁ ସେ ହାରିଯାଇଥିଲେ। ଟାଇଟଲ ମୁକାବିଲାରେ ହାରିଯାଇଥିବାରୁ ତାଙ୍କ ମନରେ ବହୁତ ଦୁଃଖ ହୋଇଥିଲା। କୋଲେନେଲ୍ରେ ବିଜୟ ପରେ ସେ କିଛି ପରିମାଣରେ ଆଶ୍ୱସ୍ତି ଲାଭ କରିଛନ୍ତି। ଜର୍ମାନୀର ଏହି ଖେଳାଳି ୨୦୨୦ରେ ରବିବାର ପର୍ଯ୍ୟନ୍ତ କୌଣସି ନିୟମିତ ଏଟିପି ଟୁର୍ ଇଭେଣ୍ଟର ଫାଇନାଲ ଖେଳି ନାହାନ୍ତି। ଜେଭରେଭ ଏହା ପୂର୍ବରୁ ୨୦୧୯ ମେ ମାସରେ ଜେନେଭା ଓପନ୍ କ୍ଲେକୋର୍ଟରେ ଟାଇଟଲ ଜିତିଥିଲେ। ବର୍ତ୍ତମାନ ତାଙ୍କ କ୍ୟାରିୟର ଫାଇନାଲ ବିଜୟ ଓ ପରାଜୟ ସଂଖ୍ୟା ୧୨-୮ରେ ରହିଛି।