ନୂଆଦିଲ୍ଲୀ,୧୭।୧୨: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ‘ଟୟୋଟା କିର୍ଲୋସ୍କର ମୋଟର’(ଟିକେଏମ୍)ର ଆଉ ଏକ ଷ୍ଟକ୍ୟାର୍ଡ ନିକଟରେ ଉଦ୍ଘାଟିତ ହୋଇଯାଇଛି। ଏପରିକି ଉତ୍ତର ଭାରତରେ ଟିକେଏମ୍ର ପ୍ରଥମ ଆଞ୍ଚଳିକ ଷ୍ଟକ୍ୟାର୍ଡ ହରିୟାଣାର ଫାରୁକନଗରଠାରେ ଶୁଭାରମ୍ଭ କରାଯାଇଛି। ବିଶେଷକରି ଗ୍ରାହକଙ୍କୁ ବିଶ୍ୱସ୍ତରୀୟ ଉପତ୍ାଦ ଏବଂ ସେବା ସହଜରେ ପ୍ରଦାନ କରିବା ଲକ୍ଷ୍ୟ ନେଇ ଏହାର ଶୁଭାରମ୍ଭ କରାଯାଇଥିବା ଟିକେଏମ୍ ପକ୍ଷରୁ କୁହାଯାଇଛି। ଉକ୍ତ ଷ୍ଟକ୍ୟାର୍ଡ ସ୍ଥାପନ ଦ୍ୱାରା ପଞ୍ଜାବ, ହରିୟାଣା, ରାଜସ୍ଥାନ, ଉତ୍ତରପ୍ରଦେଶ, ହିମାଚଳ ପ୍ରଦେଶ, ଉତ୍ତରାଞ୍ଚଳ ଏବଂ ଜମ୍ମୁକଶ୍ମୀରର ଡିଲରମାନଙ୍କ ପାଇଁ ଗାଡ଼ି ଯୋଗାଣ ସହଜ ହେବ। ୫ ଏକର ପରିମିତ ଜମିରେ ଥିବା ଉକ୍ତ ଷ୍ଟକ୍ୟାର୍ଡରେ ୯୦୦ ଯାନର ପାର୍କିଂ କ୍ଷମତା ରହିଛି। ଏ ସମ୍ପର୍କରେ ଟିକେଏମ୍ର ଜେନେରାଲ ମ୍ୟାନେଜର ଭି. ୱିସ୍ଲିନ ସିଗାମଣି କହିଛନ୍ତି, ହରିୟାଣାଠାରେ ଆମର ପ୍ରଥମ ଆଞ୍ଚଳିକ ଷ୍ଟକ୍ୱାର୍ଡର ଉଦ୍ଘାଟନ ସମ୍ପର୍କରେ ଘୋଷଣାକରି ଆମେ ବେଶ୍ ଆନନ୍ଦିତ । ଏପରିକି ଭାରତର ଉତ୍ତର ଭାଗ ଆମ ପାଇଁ ଏକ ଗୁରୁତ୍ୱପୂର୍ଣ୍ଣ ବଜାର ଏବଂ ଫାରୁକନଗର ଏକ ବ୍ୟବସାୟିକ ରଣନୈତିକ ସ୍ଥାନ ଭାବେ ପରିଗଣିତ ହୋଇଛି। ଉଲ୍ଲେଖଯୋଗ୍ୟ ଗତ ୨ ବର୍ଷ ମଧ୍ୟରେ ଟୟୋଟା ଉତ୍ତର ଭାରତରେ ୨୨ଟି ନୂତନ କଷ୍ଟମର ଟଚ୍ ପଏଣ୍ଟ ଦ୍ୱାରା ବିକ୍ରୟ ଏବଂ ସେବା ଯୋଗାଇଛି। ସୂଚନାଯୋଗ୍ୟ , ୨୦୨୦ରେ ଟିକେଏମ୍ର ପ୍ରଥମ ଆଞ୍ଚଳିକ ଷ୍ଟକ୍ୟାର୍ଡ ଗୁଆହାଟୀଠାରେ ଆରମ୍ଭ କରାଯାଇଥିଲା।