ଭୁବନେଶ୍ୱର,୧୪।୧୦(ବ୍ୟୁରୋ): ଅନେକ ସମୟରେ ଭୁବନେଶ୍ୱରସ୍ଥିତ ରାଜ୍ୟ କଂଗ୍ରେସର ମୁଖ୍ୟ କାର୍ଯ୍ୟାଳୟ କଂଗ୍ରେସ ଭବନ ଅଶାନ୍ତ ହେଉଛି। ଏପରିସ୍ଥଳେ ବୁଧବାର ଏଠାରେ ଦୁଇଥର ଭଙ୍ଗାରୁଜା ହୋଇଛି। ସକାଳେ ଯୁବ କଂଗ୍ରେସ କାର୍ଯ୍ୟାଳୟ ଭିତରେ ଓ ସନ୍ଧ୍ୟାରେ ପିସିସି ସଭାପତିଙ୍କ କକ୍ଷ ସମ୍ମୁଖରେ ବ୍ୟାପକ ଭଙ୍ଗାରୁଜା କରିଛନ୍ତି ଦୁର୍ବୃତ୍ତ। ତେବେ କିଏ ଏପରି କାଣ୍ଡ ଘଟାଇଲେ ସେନେଇ କେହି କିଛି କହିପାରୁ ନାହାନ୍ତି। ସବୁଠାରୁ ଆଶ୍ଚର୍ଯ୍ୟର କଥା ହେଲା, ସକାଳ ଘଟଣା ପରେ ପିସିସି ସଭାପତି ନିରଞ୍ଜନ ପଟ୍ଟନାୟକ ରାତ୍ର ଜଗୁଆଳଙ୍କୁ ନିଲମ୍ବନ କରିଥିଲେ। ଏଭଳି କାର୍ଯ୍ୟକୁ ବରଦାସ୍ତ କରାଯିବ ନାହିଁ ବୋଲି କହିଥିଲେ। ହେଲେ ଏହାପରେ ତାଙ୍କ ନାମ ଫଳକକୁ ଭଙ୍ଗାଯିବା ଘଟଣା ଚର୍ଚ୍ଚାର ବିଷୟ ହୋଇଛି।
ଅପରପକ୍ଷେ ଏହି ଘଟଣା ପରେ ଯୁବ କଂଗ୍ରେସ ମୁଖପାତ୍ର ନଳିନୀକାନ୍ତ ନାୟକଙ୍କୁ ହତ୍ୟା ଧମକ ଦିଆଯାଇଛି। ଏନେଇ ସେ ନିହାର ରଞ୍ଜନ ନାମକ ଜଣେ ଯୁବକଙ୍କ ନାଁରେ କ୍ୟାପିଟାଲ ଥାନାରେ ଲିଖିତ ଅଭିଯୋଗ କରିଛନ୍ତି। ନଳିନୀକାନ୍ତ କହିଛନ୍ତି, ଯୁବକ ଜଣକ ବନ୍ଧୁକ ଓ ଖଣ୍ଡା ଲଗାଇ ହତ୍ୟା କରିବାକୁ ଧମକ ଦେଇଛନ୍ତି। ସେ କଂଗ୍ରେସ କର୍ମକର୍ତ୍ତା ନ ହୋଇ ମଧ୍ୟ କଂଗ୍ରେସ ଭବନ ଭିତରେ ପଶି ମାରିବାକୁ ଧମକ ଦେଇଛନ୍ତି। ତାଙ୍କ ବିରୋଧରେ ଦୃଢ଼ ଆଇନଗତ କାର୍ଯ୍ୟାନୁଷ୍ଠାନ ନେବାକୁ ପୋଲିସକୁ ଅନୁରୋଧ କରିଥିବା ସେ କହିଛନ୍ତି।
ରାତ୍ରି ଜଗୁଆଳଙ୍କ କହିବାନୁସାରେ, ସକାଳ ପ୍ରାୟ ୬ଟାରେ ୪ଜଣ ଯୁବକ ମୁହଁରେ କଳା କପଡା ପିନ୍ଧି କଂଗ୍ରେସ ଭବନକୁ ଜବରଦସ୍ତ ପଶିଥିଲେ। ସେମାନେ ଯୁବ କଂଗ୍ରେସ କାର୍ଯ୍ୟାଳୟରେ ପଡ଼ିଥିବା ତାଲାର ଚାବି ମାଗିଥିଲେ। ନ ମିଳିବାରୁ ତାଲା ଭାଙ୍ଗି ଭିତରେ ଭଙ୍ଗାରୁଜା କରିଥିଲେ। ଯୁବ କଂଗ୍ରେସ ସଭାପତିଙ୍କ ଟେବୁଲ୍ ଓ ଚେୟାର ଭାଙ୍ଗିବା ପରେ ଫେରାର ହୋଇଯାଇଥିଲେ। ସାରେ ଆଉ କେତେଜଣ ଦୁର୍ବୃତ୍ତ କଂଗ୍ରେସ ଭବନକୁ ପଶି ପୁଣି ଭଙ୍ଗାରୁଜା କରିଥିଲେ। ପିସିସି ସଭାପତିଙ୍କ କକ୍ଷ ସାମ୍ନାରେ ଥିବା କିଛି ଚୌକି ଭାଙ୍ଗିଦେବା ସହ ତାଙ୍କ ନାମଫଳକକୁ କାଢି ଫୋପାଡି ଦେଇଥିଲେ। ସେହିପରି ମହିଳା କଂଗ୍ରେସ ସଭାପତିଙ୍କ କକ୍ଷ ସମ୍ମୁଖରେ ଥିବା ନାମଫଳକକୁ