ଚୌଦ୍ୱାର,୧୦।୫(ଡି.ଏନ୍.ଏ): ଆମ୍ବ ଗୋଟାଇବାକୁ ଯାଇ ବିଦ୍ୟୁତ ଆଘାତରେ ଜଣେ ବୃଦ୍ଧାଙ୍କ ମୃତ୍ୟୁ ଘଟିଛି । ଏଭଳି ଏକ ଘଟଣା ଘଟିଛି କଟକ ଜିଲା ଟାଙ୍ଗୀ ଚୌଦ୍ୱାର ବ୍ଲକ ଶାଳଗାଁ ପଞ୍ଚାୟତ ଦାମୋଦରପୁର ଗ୍ରାମରେ। ଗ୍ରାମର କମଳା ପଣ୍ଡା ନିଜ ଘର ପଛପଟ ଚାଷଜମି ନିକଟ ଏକ ଆମ୍ବଗଛ ପାଖକୁ ଆମ୍ବ ଗୋଟାଇବାକୁ ଯାଇଥିଲେ। ଚାଷଜମୀରେ ଷଣ୍ଢ ପଶିଯାଉଥିବାରୁ ପୂର୍ବରୁ ଚାଷଜମି ଚାରିପଟେ ବେଆଇନ ଭାବେ ବିଦ୍ୟୁତ ତାର ସଂଯୋଗ କରାଯାଇଥିଲା। ଗାଁର ବାପିନା ରାଉତଙ୍କ ଜମିରେ ବେଆଇନ ଭାବେ ଜିଆଇ ତାର ସାହାଯ୍ୟରେ ବାଡ ବୁଲାଯାଇଥିଲା। ସେଥିରେ ବିଦ୍ୟୁତ ସଂଯୋଗ ହୋଇଥିଲା। କମଳା ଜିଆଇ ତାରରେ ଲାଗିଯିବାରୁ ତାଙ୍କ ବାମ ହାତ ପୋଡି ଯାଇଥିଲା । ଘଟଣାସ୍ଥଳରେ ହିଁ କମଳାଙ୍କ ମୃତ୍ୟୁ ଘଟିଥିଲା। ଖବର ପାଇ ଚୌଦ୍ବାର ପୋଲିସ ପହଞ୍ଚି ମୃତଦେହ ବ୍ୟବଚ୍ଛେଦ ପାଇଁ ପଠାଇବା ସହିତ ଘଟଣାର ତଦନ୍ତ କରୁଛି ।