ସେମିଫାଇନାଲ୍ ଖେଳିବାକୁ ହେଲେ ପାକିସ୍ତାନକୁ କରିବାକୁ ପଡ଼ିବ ଏମିତି ଚମତ୍କାର
07 ନୂଆଦିଲ୍ଲୀ,୧୦।୧୧: ବିଶ୍ୱକପ୍ର ୪୧ତମ ମ୍ୟାଚ୍ରେ ନ୍ୟୁଜିଲାଣ୍ଡ ଶ୍ରୀଲଙ୍କାକୁ ୫ ଉଇକେଟ୍ରେ ପରାସ୍ତ କରିଛି। ଏହି ବିଜୟ ସହିତ ସେ ସେମିଫାଇନାଲରେ ଥିବା ଆଶାକୁ ଉଜ୍ଜୀବିତ ରଖିଛନ୍ତି। ତେବେ ନ୍ୟୁଜିଲାଣ୍ଡର ବିଜୟ ପରେ ପାକିସ୍ତାନ ଅଡୁଆ ବଢିଛି। ଏବେ ଇଂଲଣ୍ଡ ବିପକ୍ଷ ମ୍ୟାଚରେ ତାଙ୍କୁ ଚମତ୍କାର ପ୍ରଦର୍ଶନ କରିବାକୁ ପଡିବ। ନ୍ୟୁଜିଲାଣ୍ଡ କେବଳ ପାକିସ୍ତାନ ନୁହେଁ ଆଫଗାନିସ୍ତାନର ମଧ୍ୟ ଆଶା ଭାଙ୍ଗି ଦେଇଛି।
ପାକିସ୍ତାନ ପାଇଁ ସମୀକରଣ କ’ଣ?
ଯଦି ପାକିସ୍ତାନ ଦଳ ପ୍ରଥମେ ଇଂଲଣ୍ଡ ବିପକ୍ଷରେ ବ୍ୟାଟିଂ କରେ ତେବେ ଏହାକୁ ୨୮୭ରନ ବ୍ୟବଧାନରେ ଜିତିବାକୁ ପଡ଼ିବ। ଏଥି ସହିତ ଯଦି ପାକିସ୍ତାନ ଦ୍ୱିତୀୟ ଇନିଂସରେ ବ୍ୟାଟିଂ କରିବାର ସୁଯୋଗ ପାଏ, ତେବେ ଇଂଲଣ୍ଡ ୧୬ଟି ବଲରେ କୌଣସି ଲକ୍ଷ୍ୟକୁ ହାସଲ କରିବାକୁ ପଡିବ।
ଯଦି ପାକିସ୍ତାନ ଏବଂ ଆଫଗାନିସ୍ତାନ ବିଶ୍ୱକପରୁ ବାଦ୍ ପଡ଼ନ୍ତି ତେବେ ପ୍ରଥମ ସ୍ଥାନ ପାଇଥିବା ଭାରତୀୟ ଦଳ ସେମିଫାଇନାଲରେ ନ୍ୟୁଜିଲାଣ୍ଡ ବିପକ୍ଷରେ ଖେଳିବ। ଏହି ମ୍ୟାଚ ୧୫ ନଭେମ୍ବରରେ ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଖେଳାଯିବ। ଏଥି ସହିତ ଦ୍ୱିତୀୟ ସେମିଫାଇନାଲ ମ୍ୟାଚ ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ମଧ୍ୟରେ ୧୬ ନଭେମ୍ବରରେ କୋଲକାତାର ଇଡେନ ଗାର୍ଡେନ୍ସରେ ଅନୁଷ୍ଠିତ ହେବ। ଫାଇନାଲ ମ୍ୟାଚ ୧୯ ନଭେମ୍ବରରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯିବ।