ମୁମ୍ବାଇ,୨୨।୮ : ମହାରାଷ୍ଟ୍ରର କୃଷି ମନ୍ତ୍ରୀ ଅବଦୁଲ ସତାର ନାନ୍ଦେଡରେ କଂଗ୍ରେସ ଭେଟେରାନ ଅଶୋକ ଚୌହ୍ବାନଙ୍କ ସହ ଏକ ରୁଦ୍ଧ ଦ୍ୱାରା ଆଲୋଚନା କରିଛନ୍ତି। ରବିବାର ହୋଇଥିବା ଏହି ଗୁପ୍ତ ଆଲୋଚନା ପରେ ରାଜ୍ୟର ରାଜନୀତି ବେଶ୍ ସରଗରମ ହୋଇଛି। ରାଜନୈତିକସ୍ତରରେ କଳ୍ପନାଜଳ୍ପନା ସୃଷ୍ଟି ହେବାରେ ଲାଗିଛି। କୁହାଯାଉଛି ଯେ ବୈଠକରେ ଯୋଗଦେବା ପରେ ମନ୍ତ୍ରୀ ଅବଦୁଲ ସତାର ଅଶୋକଙ୍କୁ ଭେଟିବାକୁ ତାଙ୍କ ବାସଭବନକୁ ଯାଇଥିଲେ।
ସେମାନେ ଏକ କୋଠରୀରେ ପ୍ରାୟ ଅଧ ଘଣ୍ଟା କଥାବାର୍ତ୍ତା କରିଛନ୍ତି। ଏହି ସମୟରେ କୌଣସି ଦଳୀୟ କର୍ମୀଙ୍କୁ ପ୍ରବେଶ ଅନୁମତି ଦିଆଯାଇ ନଥିଲା। ରାଜ୍ୟ କଂଗ୍ରେସରେ ଫାଟ ସୃଷ୍ଟି କରିବା ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ମନ୍ତ୍ରୀ ଏଭଳି କରୁଥିବା ନେଇ ଚର୍ଚ୍ଚା ହେଉଛି। ଏହାକୁ ନେଇ କଂଗ୍ରେସକୁ ବଡ଼ ଝଟ୍କା ଲାଗିଛି। ରାଜ୍ୟ କଂଗ୍ରେସ ପକ୍ଷରୁ ସତର୍କତାର ସହିତ ପରିସ୍ଥିତି ଉପରେ ତୀକ୍ଷ୍ଣ ନଜର ରଖାଯାଇଛି।