ଓଡ଼ିଶାର ଅଧା ଜନସଂଖ୍ୟା ତମାଖୁ ଓ ମଦ ସେବନ କରୁଥିବା ଏନ୍ଏଫ୍ଏଚ୍ଏସ୍-୫ ରିପୋର୍ଟରେ ଦର୍ଶାଯାଇଛି। ସର୍ଭେ ଅନୁଯାୟୀ ୧୫ ବର୍ଷ ଓ ତଦୂର୍ଦ୍ଧ୍ୱ ବୟସର ୫୧.୬ ପ୍ରତିଶତ ପୁରୁଷ ଏବଂ ୨୬ ପ୍ରତିଶତ ମହିଳା ବିଭିନ୍ନ ତମାଖୁ ସାମଗ୍ରୀ ସେବନ କରୁଛନ୍ତି। ସହରାଞ୍ଚଳ ଅପେକ୍ଷା ଗ୍ରାମାଞ୍ଚଳରେ ଏହି ହାର ଅଧିକ ରହିଛି। ସେହିପରି ଗ୍ରାମାଞ୍ଚଳରେ ଏହି ଆୟୁ ବର୍ଗର ୪.୯% ମହିଳା ଓ ୩୦.୨% ପୁରୁଷ ମଦ ପିଇଥାନ୍ତି। ସହରାଞ୍ଚଳ କଥା ଦେଖିଲେ ମଦ୍ୟପାନ କରୁଥିବା ମହିଳାଙ୍କ ସଂଖ୍ୟା ୧.୪% ଥିବାବେଳେ ପୁରୁଷଙ୍କ ସଂଖ୍ୟା ୨୨.୭ ପ୍ରତିଶତ।