ଭୁବନେଶ୍ୱର,୨୬।୨: ରାଜ୍ୟର ପ୍ରମୁଖ ଘରୋଇ ମନୋରଞ୍ଜନଭତ୍ତିକ ଓଡ଼ିଆ ଚ୍ୟାନେଲ ଜୀ ସାର୍ଥକରେ ରବିବାର ଏକ ସ୍ବତନ୍ତ୍ର କାର୍ଯ୍ୟକ୍ରମ ‘ଦମ୍ଦାର ରବିବାର’ ଶୀର୍ଷକ ବିଶେଷ ଏପିସୋଡ୍ ପ୍ରସାରିତ ହେବ। ବିଶେଷକରି କେତେକ ଅନାବଶ୍ୟକ ପରିସ୍ଥିତି ଯୋଗୁ ଚଳିତ ସପ୍ତାହରେ ଦର୍ଶକଙ୍କ ସହ ସମ୍ପୂର୍ଣ୍ଣ ଭାବେ ଯୋଡ଼ିହୋଇପାରି ନ ଥିଲୁ। କାରଣ ଚ୍ୟାନେଲ କେବୁଲରେ ଥିବା ଯାନ୍ତ୍ରିକ ତ୍ରୁଟି ଯୋଗୁ ସେବା ଯୋଗାଇବାରେ ବ୍ୟାଘାତ ସୃଷ୍ଟି ହୋଇଥିଲା। ବର୍ତ୍ତମାନ ଉକ୍ତ ସମସ୍ତ ସମସ୍ୟାର ସମାଧାନ ହୋଇଛି। ଏପରିକି ସମସ୍ତ କେବୁଲରେ ଜୀ ସାର୍ଥକର ସମସ୍ତ କାର୍ଯ୍ୟକ୍ରମ ଦର୍ଶକ ଦେଖିପାରିବେ ବୋଲି ଜୀ ସାର୍ଥକ ପକ୍ଷରୁ କୁହାଯାଇଛି। ସେହିଭଳି ଯାନ୍ତ୍ରିକ ବ୍ୟାଘାତ ଯୋଗୁ ନିଶ୍ଚିତ ଭାବେ ଆମେ ଆମର ଦର୍ଶକଙ୍କୁ ପୂରା ସପ୍ତାହ ମିସ୍ କରିଛୁ। ଦର୍ଶକ ଏବଂ ଆମ ଭିତରେ ଥିବା ସମ୍ପର୍କ ପୁଣି ଥରେ ଯୋଡ଼ିହେବାକୁ ଯାଉଛି। ଚଳିତ ସପ୍ତାହର ସମସ୍ତ ମନୋରଞ୍ଜନଭିତ୍ତିକ କାର୍ଯ୍ୟକ୍ରମକୁ ଜୀ ସାର୍ଥକରେ ଦର୍ଶକ ମାତ୍ର ଗୋଟିଏ ଦିନରେ ସମ୍ପୂର୍ଣ୍ଣ ଦେଖିପାରିବେ ବୋଲି ଚ୍ୟାନେଲ ହେଡ୍ ପ୍ରତୀକ ସିଲ୍ କହିଛନ୍ତି। ଅପରପକ୍ଷରେ ଜୀ ସାର୍ଥକରେ ପ୍ରସାରିତ ପ୍ରମୁଖ ଧାରାବାହିକର ସ୍ବତନ୍ତ୍ର ଏପିସୋଡ୍ ଫେବୃୟାରୀ ୨୬(ରବିବାର)ରେ ‘ଦମ୍ଦାର ରବିବାର’ ନାମରେ ପ୍ରସାରିତ ହେବ।
