ପୁରୀ,୨୪। ୬(ଅଜିତ ମହାନ୍ତି): ଜନ୍ମବେଦୀରେ ତିନି ଠାକୁର। ଭାଇ ଓ ଭଉଣୀଙ୍କୁ ସାଙ୍ଗରେ ନେଇ ୯ ଦିନାତ୍ମକ ଯାତ୍ରାରେ ଯାଇଛନ୍ତି ମହାପ୍ରଭୁ। ଏପଟେ ମହାଲଷ୍ମୀ ଅଭିମାନ କରିଛନ୍ତି ଜଗତର ନାଥ ଜଗନ୍ନାଥଙ୍କ ଉପରେ। ଏଣୁ ମହାଲକ୍ଷ୍ମୀଙ୍କ ରୋଷର ଶିକାର ହେବେ ନନ୍ଦିଘୋଷ । ଶନିବାର ହେରାପଞ୍ଚମୀ ଅବସରରେ ସେବକ ଓ ଦାସୀଙ୍କ ଗହଣରେ ଶ୍ରୀମନ୍ଦିରରୁ ଆସି ମହାଲକ୍ଷ୍ମୀ ଶରଧାବାଲିରେ ବିଜେ କରିବେ।
ପରେ ଗୁଣ୍ଡିଚାଘର ସମ୍ମୁଖରେ ଦଣ୍ଡାୟମାନ ନନ୍ଦିଘୋଷ ରଥ ଭାଙ୍ଗିବେ ଲକ୍ଷ୍ମୀ ଠାକୁରାଣୀ । ଏହାପରେ ଜଗମୋହନରେ ଠାକୁରାଣୀ ବିଜେ ହୋଇ ଠାକୁରଙ୍କ ଆଜ୍ଞାମାଳ ଲାଗି ହେବେ । ପରେ ହେରାଗୌରୀ ସାହି ହୋଇ ଠାକୁରାଣୀ ଶ୍ରୀମନ୍ଦିରକୁ ବାହଡ଼ିବେ ।