ମୁମ୍ବାଇ,୨୫।୯ : ପୁଣିଥରେ ମହାରାଷ୍ଟ୍ର ରାଜନୀତିରେ କଳ୍ପନା ଜଳ୍ପନାର ଆରମ୍ଭ ହୋଇଛି। ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ତଥା ଏନସିପି ନେତା ଅଜିତ ପାୱାର ତାଙ୍କ ବିବୃତ୍ତିରେ ପୁଣିଥରେ ରାଜ୍ୟ ରାଜନୀତିକୁ ଉଷ୍ଣ କରିଛନ୍ତି। ବାରାମତିରେ ଏକ କାର୍ଯ୍ୟକ୍ରମରେ ସେ କହିଛନ୍ତି, ଆଜି ମୋ ପାଖରେ ଅର୍ଥ ବିଭାଗର ଦାୟିତ୍ୱ ଅଛି, ଆସନ୍ତାକାଲି ରହିବ କି ନାହିଁ ମୁଁ କହି ପାରିବି ନାହିଁ।
ସମବାୟ କ୍ଷେତ୍ର ସହ ଜଡିତ ଏକ କାର୍ଯ୍ୟକ୍ରମରେ ସେ ଏହା କହିଥିଲେ। ଏହି ସମୟରେ ସେ ଆହୁରି ମଧ୍ୟ କହିଛନ୍ତି ଆମର ଅନୁଷ୍ଠାନ ଏବଂ ଚିନି ମିଲଗୁଡିକ ଆର୍ଥିକ ଦୃଷ୍ଟିରୁ ସକ୍ଷମ ହେବା ଉଚିତ।
କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହାଙ୍କ ମୁମ୍ବାଇ ଗସ୍ତ ସମୟରେ ଏନସିପି ନେତା ଅଜିତ ପାୱାରଙ୍କ ଅନୁପସ୍ଥିତି ରାଜନୈତିକ ମହଲରେ ଅନେକ ପ୍ରଶ୍ନ ସୃଷ୍ଟି କରିଛି। ଏ ସମ୍ପର୍କରେ ବିଭିନ୍ନ କଳ୍ପନାଜଳ୍ପନା କରାଯାଉଛି।
ତେବେ ଅଜିତ ପାୱାର ଏହି କଳ୍ପନା ଜଳ୍ପନାର ଅନ୍ତ ଘଟାଇ କହିଛନ୍ତି ସେ ଅମିତ ଶାହାଙ୍କ କାର୍ଯ୍ୟାଳୟକୁ ତାଙ୍କ ପୂର୍ବ ନିର୍ଦ୍ଧାରିତ କାର୍ଯ୍ୟକ୍ରମ ବିଷୟରେ ଜଣାଇ ସାରିଛନ୍ତି।
