ରାୟଗଡ଼ା,୧୪।୪(ସ୍ବ.ପ୍ର.): ରାୟଗଡ଼ାରେ ଓଡ଼ିଆ ନବବର୍ଷ ଧୁମଧାମରେ ପାଳନ କରାଯିବ। ନୂଆବର୍ଷ ତଥା ମହାବିଷୁବ ସଂକ୍ରାନ୍ତି ପାଳନ ପାଇଁ ସମସ୍ତ ପ୍ରକାର ପ୍ରସ୍ତୁତି ଶେଷ ହୋଇଛି। ଏଠାରେ ଓଲିଉଡ୍ କଳାକାରଙ୍କ ସମେତ ରାଜ୍ୟର ଅନେକ ନାମୀ ଗାୟକ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିବେ। ସ୍ଥାନୀୟ ତେଜସ୍ବୀ ପଡିଆରେ ବିଷୁବ ମିଳନ କରାଯିବ। ଶୁକ୍ରବାର ସନ୍ଧ୍ୟା ୬ ରୁ ରାତି ୧୦ ପର୍ଯ୍ୟନ୍ତ ଓଲିଉଡ୍ ଓ ବଲିଉଡ୍ ଗାୟିକା, ଗାୟକମାନେ ଦର୍ଶକଙ୍କ ମନ ମୋହିବେ।
୧୪ ତାରିଖ ସକାଳୁ ପଞ୍ଜିକା ପଠନ, ସନ୍ଧ୍ୟାରେ ପଣା ସେବନ ସହିତ ସାଂସ୍କୃତିକ କାର୍ଯ୍ୟକ୍ରମ କରାଯିବ। ଓଡ଼ିଆ ଭଜନ ଗାୟିକା ମାନସୀ ପାତ୍ର, ଭଜନ ଗାୟକ ରବିନାରାୟଣ ଦାସ, ବଲିଉଡ୍ ଗାୟକ ଅର୍ଶ ମହମ୍ମଦ, ଓଲିଉଡ୍ ଗାୟିକା ଦୀପ୍ତି ରେଖା ପାଢ଼ୀ, ଗାୟକ ତାରିକ ଅଜିଜ୍ ପ୍ରମୁଖ ଏହି କାର୍ଯ୍ୟକ୍ରମରେ ଯୋଗଦାନ କରିବେ। ବିଷୁବମିଳନ ଉତ୍ସବ କମିଟି ପକ୍ଷରୁ ଏହାର ଆୟୋଜନ କରାଯାଇଛି। ସମସ୍ତ ଲୋକଙ୍କୁ ପଣା ସହ ଅନ୍ନ ପ୍ରସାଦ ବଣ୍ଟନ କରାଯିବ। ମା’ ମଝିଘରିଆଣୀ ମନ୍ଦିର ପରିଚାଳନା କମିଟି ଅଧ୍ୟକ୍ଷ ରାଇସିଂ ବିଡିକା ଆବାହକ ରହିଥିବାବେଳେ ପୌରାଧ୍ୟକ୍ଷ ପି. ମହେଶ ପଟ୍ଟନାୟକ, ବିନାୟକ କର, ଅମିୟ ସ୍ବାଇଁ, ଚନ୍ଦ୍ରକାନ୍ତ ସାମଲ, ଏମ୍. ଗଙ୍ଗାଧର, ଅବିନାଶ ବିଷୋୟୀ, ଅଜୟ ମହାରଣା, ଜୟନ୍ତୀ ମହାରଣା, ଶ୍ରୀକାନ୍ତ ଚୌଧୁରୀ, ପ୍ରବୀଣ କୁମାର, ଜିତେନ୍ଦ୍ର ରେଡ୍ଡୀ, କାଉନସିଲର ସନ୍ତୋଷ ଦଳାଇ, ସରମିତା ପାଢ଼ୀ, ପି. ରୋଜା, ଗୋପୀନାଥ ଗୌଡ଼, ସୁକାନ୍ତ ପରିଡ଼ା ପ୍ରମୁଖ ସମସ୍ତ କାର୍ଯ୍ୟ ପରିଚଳନା କରିବେ। ସ୍ଥାନୀୟ ଅଶୋକ ମଣ୍ଡପ ଏବଂ ଜିସିଡି ପଡ଼ିଆରେ ମଧ୍ୟ ବିଷୁବ ମିଳନ ପାଳନ ହେଉଛି। ସେଥପାଇଁ ଆୟୋଜନ ସରିଛି।