ପ୍ରେମୀଯୁଗଳଙ୍କ ପାଇଁ ବର୍ତ୍ତମାନ ଚାଲିଛି ଭାଲେଣ୍ଟାଇନ୍ସ ଓ୍ବିକ୍ ବା ପ୍ରେମ ସପ୍ତାହ। ପ୍ରଥମ ଦିନଟି ରୋଜ୍ ଡେ’ରୁ ଆରମ୍ଭ ହୋଇଥିବା ବେଳେ ଦ୍ୱିତୀୟ ଦିନଟି ହେଉଛି ପ୍ରପୋଜ୍ ଡେ’ ବା ପ୍ରେମ ନିବେଦନ ଦିବସ। ସେହିପରି ତୃତୀୟ ଦିବସ ହେଉଛି ଚକୋଲେଟ୍ ଡେ’। ଏହି ଦିନ ପ୍ରେମୀଯୁଗଳ ପରସ୍ପରକୁ ଚକୋଲେଟ୍ ଦେଇ ନିଜ ନିଜର ପ୍ରେମ ବ୍ୟକ୍ତ କରିଥାନ୍ତି। ଯଦି ଆପଣ ଏଥିରେ ପଛରେ ପଡ଼ି ଯାଇଛନ୍ତି ତେବେ କେମିତି ସାଥୀଙ୍କୁ ଚକୋଲେଟ୍ ଦେଇ ମନ କିଣିବେ ଆସନ୍ତୁ ଜାଣିବା…
ଚକୋଲେଟ୍ ଡେ’ରେ ପ୍ରେମ ବନ୍ଧନକୁ ଅଧିକ ମିଠା କରିବା ପାଇଁ ଏହାକୁ ପାଳନ କରିଥାନ୍ତି ପ୍ରେମୀଯୁଗଳ। ଚକୋଲେଟ୍ ଆମ ସ୍ବାସ୍ଥ୍ୟ ପାଇଁ ଭଲ ଏବଂ ଏହା ବହୁତ ସ୍ବାଦିଷ୍ଟ। ଏହାକୁ ଧ୍ୟାନରେ ରଖି ପାଶ୍ଚାତ୍ୟ ଦେଶର ଲୋକମାନେ ପରସ୍ପରକୁ ଚକୋଲେଟ୍ ଉପହାର ଦେଉଥିଲେ। ସମ୍ପର୍କକୁ ମଜଭୁତ କରିବା ପାଇଁ ସାଥୀଙ୍କୁ ଚକୋଲେଟ୍ ଦେଇ ମନ କିଣାଯାଇଥାଏ।
