ନୂଆଦିଲ୍ଲୀ,୧।୨: ଦେଶର ପ୍ରମୁଖ ସ୍ମାର୍ଟଫୋନ ବ୍ରାଣ୍ଡ୍ ସାମ୍ସଙ୍ଗ୍ ତା’ର ନୂଆ ଏସ୍ ସିରିଜର ଶୁଭାରମ୍ଭ ସମ୍ପର୍କରେ ଘୋଷଣା କରିବ ବୋଲି ସୂଚନା ମିଳିଛି। ଏପରିକି ଚଳିତ ବର୍ଷ ଫେବୃୟାରୀ ୧ରେ ସାମ୍ସଙ୍ଗ୍ ତା’ର ନୂଆ ଗ୍ୟାଲାକ୍ସି ଏସ୍ ସିରିଜର ଶୁଭାରମ୍ଭ କରିବ ବୋଲି କୁହାଯାଉଛି। ଏ ସମ୍ପର୍କରେ ସାମ୍ସଙ୍ଗ୍ ଅଧ୍ୟକ୍ଷ ତଥା ଏମ୍ଏକ୍ସ ବିଜ୍ନେସ୍ ମୁଖ୍ୟ ଟିଏମ୍ ରୋ କହିଛନ୍ତି, ଚଳିତବର୍ଷ ଗ୍ୟାଲାକ୍ସି ଏସ୍ ସିରିଜ ଆମର ମୌଳିକ ଆଧାରକୁ ଦ୍ୱିଗୁଣିତ କରିଛି। ଏପରିକି ଆମର ଅଭିନବତାର ମାନ ବୃଦ୍ଧି କରାଇବାରେ ଏହା ବେଶ୍ ସହାୟକ ହୋଇଛି। ସେଥିପାଇଁ ଆମର ପ୍ରୋଗ୍ରେଡ୍ କ୍ୟାମେରା ସିଷ୍ଟମ ଅଧିକ ସ୍ମାର୍ଟ ହେବାରେ ଲାଗିଛି। ବିଶେଷକରି ଆମର ଗ୍ୟାଲାକ୍ସି ସ୍ମାର୍ଟଫୋନ ଯେକୌଣସି ଆଲୋକରେ ସର୍ବୋତ୍ତମ ଫଟୋ ଏବଂ ଭିଡିଓ ପ୍ରଦାନ କରୁଛି।