ନୂଆଦିଲ୍ଲୀ,୪।୧୨: ଭାରତ-ଅଷ୍ଟ୍ରେଲିଆ ମଧ୍ୟରେ ଟି-୨୦ ସିରିଜର ପ୍ରଥମ ମ୍ୟାଚ୍ ଶୁକ୍ରବାର ଖେଳାଯିବ। ଦିନିକିଆ ସିରିଜକୁ ୨-୧ରେ ଜିତିଥିବା ଅଷ୍ଟ୍ରେଲିଆ ଦଳକୁ ଶେଷ ମ୍ୟାଚ୍ରେ ପରାସ୍ତ କରିଥିଲା ଭାରତ। ଏଣୁ ଖେଳାଳିମାନେ ଆତ୍ମବିଶ୍ୱାସ ସହକାରେ ମ୍ୟାଚ୍ ଖେଳିପାରନ୍ତି ବୋଲି ପ୍ରଶଂସକ ଆଶା ରଖିଛନ୍ତି। ଏହାଛଡ଼ା ନିକଟରେ ଆଇପିଏଲ୍ ଶେଷ ହୋଇଛି। ଭାରତୀୟ ଟିମ୍ର ଅଧିକାଂଶ ଖେଳାଳି ଏଥିରେ ଭଲ ପ୍ରଦର୍ଶନ କରିଥିଲେ। ଏଣୁ ଆଜିର ମ୍ୟାଚ୍ ବେଶ୍ ରୋମାଞ୍ଚକର ହୋଇପାରେ। ତେବେ ଆସନ୍ତୁ ଜାଣିବା କେତେବେଳେ ଏବଂ କେଉଁଠି ଏହି ମ୍ୟାଚ୍କୁ ଦେଖିପାରିବେ..
ଭାରତ-ଅଷ୍ଟ୍ରେଲିଆ ମଧ୍ୟରେ ପ୍ରଥମ ଟି-୨୦ ମ୍ୟାଚ୍ କାନବେରାର ମନୁକା ଓଭାଲ ପଡ଼ିଆରେ ଖେଳାଯିବ।
-ଉଭୟ ଟିମ୍ ମଧ୍ୟରେ ଏହି ମ୍ୟାଚ୍ ଭାରତୀୟ ସମୟ ଅନୁସାରେ ୧ଟା ୪୦ ମିନିଟରେ ଖେଳାଯିବ।
-ଶୁକ୍ରବାର ଖେଳାଯିବାକୁ ଥିବା ଏହି ମ୍ୟାଚ୍ ସୋନି ଟେନ୍ର ବିଭିନ୍ନ ଚ୍ୟାନେଲରେ ଦେଖିପାରିବେ। ସୋନି ସିକ୍ସ, ସୋନି ଟେନ୍-୧ ଏବଂ ସୋନି ଟେନ୍-୩ରେ ଏହାକୁ ଦେଖିପାରିବେ। ଏହାଛଡ଼ା ଅନ୍ଲାଇନ୍ରେ ମଧ୍ୟ ସମସ୍ତ ଅପ୍ଡେଟ୍ ଆପଣ ପାଇପାରିବେ।
